Ditɛronɔmi 12:11 - EBƆRƐ BE KAWƆL

¹¹ Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:11 ပူးပေါင်းရင်းမြစ်များ

1 Bewura 8:13

Naniere bre m pɔr kemaŋkura be bɔrɛlambu nɛ feeŋ baa wɔ ndoŋ mbaanaayɔ.”

1 Bewura 8:16

‘Yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma, ama fo Deevid nɛ n lara fanɛ fo baa juŋkpar ma basa Israɛlebi.’ ”

1 Bewura 8:29

Baa keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ ndoŋ nɛ baaŋ baa bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu n sa ma.

2 Bewura 18:22

Kede be kaman nɛ Asiriya be benapo be enimu na naŋ kaŋɛ: “Ŋko menyee sha kekaŋɛ ma fanɛ Enyɛnpe menyi be Ebɔrɛ na nɛ men ta menyi be amu a to so! Mannɛ Enyɛnpe Ebɔrɛ na be ebɔrɛsure nɛ mboŋ nɛ baa shuŋ mo na nɛ Hɛzekaya kaŋɛ fanɛ b mur amo kikɛ nseŋ ka kakpa koŋwule n sa basa nɛ b wɔ Juda be efuli so nɛ Jerusalɛm to nɛ b baa shuŋ Ebɔrɛ ndoŋ nawule a?

1 Kronikɛls 22:1

Amoso le nɛ ewura Deevid daŋ kaŋɛ: “Kugooro ere so nfe ashi Jerusalɛm nɛ baaŋ pɔr Enyɛnpe Ebɔrɛ be bɔrɛlambu na, nɛ bɔrɛsure nɛ Israɛlebi beeŋ baa lara esarga kumo so na gba e baa wɔ nfe.”

2 Kronikɛls 6:20

Ba keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ, ndoŋ nɛ baaŋ ba bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu ma kekule.

2 Kronikɛls 7:12

nɛ Enyɛnpe Ebɔrɛ lara mbe kumu ŋ ŋini mo edare to kanyɛso nseŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa lara esarga a sa ma.

Ɛzra 6:12

Ebɔrɛ nɛ mbe ketre deŋ Jerusalɛm be bɔrɛlambu na so na malɛ e mur ewura kama ŋko basa kama nɛ baaŋ chɛrga kusɔ nɛ n yili ere ŋko n fin bɔrɛlambu ere be kejija. Kusɔ nɛ ma, ewura Dariɔs yili nna na. Ekama daga fanɛ e nuu nseŋ bɛ kumo so.”

Nshɛ 100:2

Men baa bunyaŋ mo kagbenefuliso, nsaa boŋ kagbenefuli be nshɛ a sa mo.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Nshɛ 66:13

Meeŋ wora m bɛ kɔnɔ nɛ n nase n sa fo saŋɛ so nɛ n daa wɔ tɔrɔ to na so. Meeŋ ba lara sarga ashi fo bɔrɛlambu to n sa fo.

Nshɛ 78:68

Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Ɛksodɔs 25:8

Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Jɛremaya 7:12

Men yɔ kade nɛ baa tre Shilo nɛ n juŋkpar n lara fanɛ b baa shuŋ ma ndoŋ na n ya keni nɛ n kusɔ n wora ndoŋ. Ŋkpal ma basa Israɛlebi na ka wora alubi so, n daŋ mur kumo nna.

Ditɛronɔmi 12:13

Men sa maŋ kaa lara menyi be esarga mboŋ kama nɛ menyee sha.

Ditɛronɔmi 12:14

A daga fanɛ men baa lara amo ashi kakpa nɛ Enyɛnpe Ebɔrɛ na gbagba beeŋ ŋini menyi ashi menyi be eyiriana na to be kekama be echenakpa. Ndoŋ nawule nɛ menyeeŋ baa lara menyi be esarga nɛ menyeeŋ baa chɔɔ na nɛ asɔ kama nɛ mee kaŋɛ menyi ere kikɛ.

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:21

Nɛ fanɛ kakpa koŋwule nɛ menyeeŋ baa shuŋ Ebɔrɛ na wɔ kufɔ, kumo ere jemanɛ kikɛ nɛ menyee sha menyeeŋ tiŋ m mɔ ana ŋko mbolpɔ nɛ Enyɛnpe Ebɔrɛ na sa menyi na be kekama n we ashi men peana fanɛ kananɛ ŋ kaŋɛ menyi na.

Ditɛronɔmi 12:26

Menyeeŋ baa ta menyi be esarga nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na a yɔ kakpa koŋwule nɛ e beeŋ lara n yili fanɛ men baa shuŋ mo na nna.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 15:19

Kede be kaman, kusɔbɔya fanɛ kena ŋko kubolpɔ ŋko kaboe pibi wurkoŋ la Enyɛnpe menyi be Ebɔrɛ na peya nna nɛ a maŋ daga fanɛ men ta loŋ be ana na a shuŋ ŋko ŋ kuya mbolpɔ na be afuibi n wora kusɔ ko.

Ditɛronɔmi 15:20

Kafɛ kikɛ menyi nɛ menyi be laŋ to ebi beeŋ baa mɔ amo a lara sarga pɔɛŋ nseŋ we eblaŋ na ashi kakpa nɛ Enyɛnpe Ebɔrɛ na lara n yili fanɛ men baa shɛr ndoŋ a shuŋ mo na.

Ditɛronɔmi 17:8

K beeŋ tiŋ m ba fanɛ asheŋ nɛ a beeŋ ba demujipoana nɛ b wɔ menyi to na kutɔ, beeŋ baa du kpakpa n sa bumo nɛ b tiŋ n ji amo. K beeŋ tiŋ a la fanɛ kusɔ be kejija ŋko esa be kenu ebesa ŋko esa be kemɔ be asheŋ nɛ a daga fanɛ b ji. Nɛ k kaŋ ba loŋ, men yɛr demu na kakpa nɛ Enyɛnpe menyi be Ebɔrɛ na lara n yili fanɛ b baa shuŋ mo na,

Ditɛronɔmi 18:6

Livai be yiri to be esa kama nɛ e bee sha, beeŋ tiŋ n shi kade nɛ e wɔ ashi Israɛl be efuli so be kaplɛkama m ba kakpa nɛ menyee shuŋ Ebɔrɛ na

Ditɛronɔmi 23:16

Men shin nɛ b chena menyi be ndeana na be kekama nɛ baa sha to. Menyi alɛ e sa maa kɔrfɛ bumo.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Ditɛronɔmi 31:11

Jemanɛ nɛ Israɛl be basa beeŋ ba gama abar so nɛ b shuŋ Enyɛnpe menyi be Ebɔrɛ na ashi kakpa nɛ menyeeŋ baa shuŋ Ebɔrɛ na nɛ menyeeŋ kraŋ kumo n sa bumo.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Joshuwa 22:11

Israɛlebi nɛ b ka na ka nu fanɛ b pɔr bɔrɛsure gboŋgboŋi ko Keenan be kasawule so ashi Gelilɔf nɛ k wɔ Jɔɔdan be lɔr be kaba ndoŋ na,

Joshuwa 22:16

b yili Enyɛnpe Ebɔrɛ be basa na kikɛ be katelamu to ŋ kaŋɛ le: “Manɛ nna nɛ men wora le be kulubi ere ŋ gbiti Israɛl be Ebɔrɛ? Men ka kini kenu n sa Enyɛnpe Ebɔrɛ na so nɛ men pɔr bɔrɛsure ere n sa menyi gbagba be amu na! Men maŋ naa bɛ mo so nna na.

Joshuwa 22:23

Nɛ fanɛ an wora Enyɛnpe Ebɔrɛ na kusoe kpakpaso nna nseŋ pɔr anyi gbagba be bɔrɛsure nɛ an baa chɔɔ esarga kumo so ŋko a lara ajibi be esarga ŋko a lara kɔnɔkoŋwule be esarga kumo so bre, Enyɛnpe Ebɔrɛ na e gberge anyi kusoe.

Joshuwa 22:27

Ama an wora loŋ nna nɛ k baa la shɛda n sa anyi nɛ menyi be basa nɛ an be kenana fanɛ anyee lara sarga chɔɔso nɛ ajibi be sarga nɛ kɔnɔkoŋwule be sarga a shuŋ Enyɛnpe Ebɔrɛ ashi Enyɛnpe be wajɛbu na be anishito ashi Jerusalɛm. Le e naaŋ shin nɛ men nanabiana e sa maŋ tiŋ ŋ kaŋɛ an nanabiana fanɛ Enyɛnpe na la Israɛlebi nawule be Ebɔrɛ nna.

Joshuwa 22:29

Anyi maaŋ kini kenu n sa Enyɛnpe Ebɔrɛ ŋko ŋ kini kebɛ mo so nseŋ pɔr bɔrɛsure a chɔɔ sarga kumo so ŋko a lara ajibi be sarga ŋko sarga kama kumo so. Anyi maaŋ pɔr bɔrɛsure kikɛ n naŋ ti Enyɛnpe nɛ e la anyi be Ebɔrɛ be bɔrɛsure nɛ k yil Enyɛnpe Ebɔrɛ be wajɛbu na be anishito na so.”

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.

1 Samuɛl 1:21

Kafɛ kikɛ Ɛlkana nɛ mbe kanaŋ kikɛ daa yɔ n ya kaa lara sarga nna a sa Enyɛnpe Ebɔrɛ na nsaa ta kakɛ nɛ e nase kɔnɔ fanɛ e beeŋ ba sa Enyɛnpe Ebɔrɛ na a ti so a yɔ.