Ditɛronɔmi 12:10 - EBƆRƐ BE KAWƆL

¹⁰ Ama nɛ men kaŋ dii Jɔɔdan be lɔr na, Enyɛnpe Ebɔrɛ na beeŋ shin nɛ men ya kɔ n sɔ kasawule na n chena so. Mo alɛ beeŋ baa kuŋ menyi ashi men doŋana so nɛ men baa wɔ kayurwushi to.

Ditɛronɔmi 12:10 ပူးပေါင်းရင်းမြစ်များ

1 Bewura 4:25

Juda nɛ Israɛl be efuli nɛ k yili Dan nɛ k wɔ kelargato be esoso n ya fo Bɛshiba ashi kelargato be kaseto kikɛ daa kɔ kayurwushi nna saŋɛ nɛ ewura Sɔlɔmɔn wɔ ŋkpa to na. Ekama nɛ mbe kanaŋ daa chena mbe kefeelebi nɛ k bee sɔr asɔrso nɛ baa tre greep na nɛ figi be ndibi be afito kagbenewushiso nna.

1 Bewura 8:56

“Kemaŋkura e baa la Enyɛnpe Ebɔrɛ nɛ e nase kɔnɔ fanɛ e beeŋ sa mbe basa kagbenewushi na peya. E daŋ bɔla mbe kayɛrbi Mosis so nna n shin nɛ mbe nnɔ naseso nɛ e nase n sa bumo na kikɛ bɔlɔ so.

1 Kronikɛls 22:18

E yɛ: “Enyɛnpe men be Ebɔrɛ na e chɛ menyi to nseŋ sa menyi kagbenewushi ekpa kama so. E chɛ ma to nɛ ŋ kɔ m pɔɔ basa nɛ b daa wɔ kasawule na so nseŋ shin nɛ baa shuŋ ma nɛ Enyɛnpe Ebɔrɛ na.

Nshɛ 4:8

Mee dese nna a di nɛ kagbenewushi, ŋkpal manɛ so, fo Enyɛnpe Ebɔrɛ nawule e naa kuŋ ma.

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Aŋasa 1:33

Ama esa kama nɛ e bee wora ma kasonu beeŋ nya kekuŋ. E maaŋ ba lɔ kufu fanɛ kusɔ lubi ko beeŋ wora mo.”

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Jɛremaya 32:37

Kachako meeŋ gama basa na abar so ashi efuli pɔtɛana nɛ n daŋ nya agbo ga nseŋ daŋ pesaŋ bumo to n yɔ amo so na n naŋ m bɛta bumo m ba nfe nɛ b baa ka wɔtɔ nɛ shɛŋ maŋ naa tɔrɔ bumo.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Ezikɛl 28:26

Baaŋ chena ndoŋ kayurwushi so m pɔr nwu nseŋ naŋ nase ndibisɔrso be adɔ. Ma alɛ beeŋ gberge bumo be bechenashapoana nɛ b keni bumo jiga na kusoe nɛ Israɛl be basa na e nya bumo be amu a wɔtɔ. Ndoŋ nɛ baaŋ pin fanɛ ma e la Enyɛnpe bumo be Ebɔrɛ na.”

Ezikɛl 34:25

Ma nɛ bumo beeŋ wora kɔnɔkoŋwule be ŋkre nɛ k beeŋ bar bumo kayurwushi. Ma alɛ beeŋ ju kupuŋ to be asɔbɔya lubi na kikɛ kasawule na so, saŋɛ na so ma mbolpɔ maaŋ naa ŋana kufu.

Ezikɛl 34:28

Loŋ be jemanɛ so, efuli pɔtɛana maaŋ naŋ tiŋ m ba kɔ n suge bumo be asɔbɔya, nɛ kupuŋ to be asɔ lubi gba maaŋ naŋ pɛ bumo n ji. Baaŋ chena kayurwushi so nna nɛ esa kama maa naa funti bumo.

Ezikɛl 38:11

Fo alɛ beeŋ baa sha kekɔ m pɔɔ efuli nɛ kumo be basa chena kayurwushi so ashi nde nɛ b maŋ pɔr egbalana a kuŋ amo na so.

Ezikɛl 38:8

ŋkpal manɛ so, nfɛ damta be kaman meeŋ kaŋɛ mo nɛ e ya kɔ m pɔɔ efuli ko nɛ kumo be basa daŋ gama abar n shi efuli pɔtɛ damtaana so m ba chena a maa ŋana kena na. E beeŋ pɔ Israɛl be basa nɛ b chena kayurwushi so ashi abee nɛ b daŋ shile ŋ ka amo n chɛr na so.

Ditɛronɔmi 11:31

Menyee dii Jɔɔdan be lɔr na nna nɛ men ya sɔ kasawule nɛ Enyɛnpe menyi be Ebɔrɛ na bee ta a sa menyi nɛ men chena so na nna na. Nɛ men kaŋ ya sɔ kumo n chena ndoŋ,

Ditɛronɔmi 3:27

Dii n yɔ Pisga be kebeegboŋ na be awɔlto n ya to kenishi ŋ keni ŋ kulti. Keni kusɔ nɛ feeŋ wu kenishiso kikɛ nɛnɛ, ŋkpal manɛ so, fo maaŋ dii Jɔɔdan be lɔr na be kaba ndoŋ.

Ditɛronɔmi 33:12

Le nɛ Mosis kaŋɛ a laŋɛ Bɛnjamin be yiri be kaplɛa so: “Yiri nɛ Enyɛnpe Ebɔrɛ na bee sha nsaa kuŋ nde; kapa nɛ kanyɛ kikɛ nɛ e bee kuŋ bumo. Mo alɛ nɛ bumo e wɔtɔ.”

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.

Ditɛronɔmi 4:22

Ma ere beeŋ wu kasawule ere so nfe nsaa maaŋ nya n dii lɔr na kikɛ, ama menyi ere beeŋ dii kumo n ya sɔ kasawule lela na n chena so.

Ditɛronɔmi 9:1

Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 14:1

Kananɛ b daŋ barga Keenan be kasawule nɛ k wɔ Jɔɔdan be epeŋitɔrkpa na n sa Israɛlebi na nde: Bɔrɛmatapowura Eliaza nɛ Nun pibi Joshuwa, nɛ Israɛl be kanaŋ na to be eyiriana be benimu e daŋ barga kumo to n sa basa na kikɛ.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 4:12

Ruben nɛ Gad be kaman to ebi be benyɛn nɛ Manase malɛ be kaman to ebi be benyɛn be bargato nɛ b daŋ bela ase nɛ b ya kɔ kena na e daŋ juŋkpar n dii lɔr na fanɛ kananɛ Mosis daŋ kaŋɛ bumo na.

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”