Ditɛronɔmi 11:7 - EBƆRƐ BE KAWƆL

⁷ Kashenteŋto, menyi gbagba e wu asheŋgboŋ nɛ Enyɛnpe Ebɔrɛ na wora ere kikɛ kenishiso.

Ditɛronɔmi 11:7 ပူးပေါင်းရင်းမြစ်များ

Nshɛ 106:2

Esa kikɛ maaŋ tiŋ m malga mbe asheŋgboŋ be asheŋ n ya loge kikɛ. Esa kikɛ malɛ maaŋ tiŋ ŋ kpaŋ mo gba n ya loge.

Nshɛ 145:12

Saŋɛ na so edimɛdi kikɛ beeŋ pin fo ashuŋgboŋ nɛ fo kuwurji be kemaŋkura nɛ kela be asheŋ.

Nshɛ 150:2

Men baa kpaŋ mo ŋkpal asheŋ gboŋgboŋi nɛ e wora so. Men naa kpaŋ mo ŋkpal e ka shi m baŋ so so.

Ditɛronɔmi 11:6

Ade be kaman, men wu kusɔ nɛ e wora benyɛn anyɔ nɛ baa tre Datan nɛ Abiram nɛ b la kanyɛn nɛ baa tre Ɛliyab nɛ e shi Ruben be yiri to na be bibinyɛn. Ekama be anishito nɛ kasawule baŋɛ n ta bumo nɛ bumo be nnanto ebi nɛ ewajɛbu nɛ bumo be nyɛrbi nɛ asɔbɔya kikɛ m min.

Ditɛronɔmi 11:8

Amoso, men baa wora asheŋ nɛ ŋ kaŋɛ menyi kabre ere kikɛ kasonu. Aloŋ nɛ menyeeŋ tiŋ n dii Jɔɔdan be lɔr na n ya sɔ kasawule nɛ menyee sha keluri to ere n chena so.

Ditɛronɔmi 27:10

amoso men baa wora mo kasonu nsaa bɛ mbe mbraana nɛ n ta a sa menyi kabre ere kikɛ so.”

Ditɛronɔmi 29:2

Mosis tre Israɛl be basa na kikɛ nna n shɛr nseŋ kaŋɛ bumo le: Menyi gbagba daŋ wu kusɔ nɛ Enyɛnpe Ebɔrɛ na wora Ijipt be ewura nɛ mbe benimuana nɛ bekama nɛ b wɔ mbe efuli so na.

Ditɛronɔmi 4:3

Men gbagba wu kusɔ nɛ Enyɛnpe Ebɔrɛ na wora ashi kebeegboŋ nɛ baa tre Piyɔɔ na ase. E daŋ mur ekama nɛ e daŋ shuŋ kegbir nɛ baa tre Baal na nna ashi ndoŋ.

Ditɛronɔmi 7:19

Men baa nyiŋi alɔ lubi nɛ menyi gbagba wu anishi so nɛ emamachisheŋ nɛ yukugboŋ nɛ eleŋ nɛ Enyɛnpe menyi be Ebɔrɛ na ta n sɔ menyi n yige na. Kananɛ e baŋ mur Ijiptebi na nɛ e beeŋ mur basa nɛ menyee ŋana naniere na gba.

Joshuwa 24:31

Joshuwa ka daa wɔ ŋkpa to na, Israɛlebi na daa shuŋ Enyɛnpe Ebɔrɛ nna. E ka naŋ wu malɛ gba b daŋ kraa shuŋ mo nna saŋɛ nɛ benimu nɛ b wu kusɔ nɛ Enyɛnpe Ebɔrɛ wora n sa bumo na kraa wɔ ŋkpa to na.