Ditɛronɔmi 11:21 - EBƆRƐ BE KAWƆL

²¹ Aloŋ e naaŋ shin nɛ menyi nɛ menyi be mbia e chena kasawule nɛ Enyɛnpe menyi be Ebɔrɛ na nase kumo be kɔnɔ n sa men nananyɛnana na so n chɛr. Menyeeŋ chena ndoŋ hale n ya fo durnya ere be lalaloge.

Ditɛronɔmi 11:21 ပူးပေါင်းရင်းမြစ်များ

Nshɛ 72:5

Shin nɛ ewura e baa wɔtɔ mbaanaayɔ fanɛ kananɛ epeŋi nɛ kufɔl wɔtɔ na.

Nshɛ 89:30

Ama nɛ fanɛ mbe kaman to ebi kini kewora ma mbraana kasonu, nseŋ kini kewora m bɔlɔ ma atande so,

Aŋasa 3:16

Kanyiasheŋ e naa sa esa ŋkpa tenteŋ, nɛ kedamaya nɛ kemaŋkura.

Aŋasa 3:2

Asɔ nɛ mee ŋini fo na beeŋ sa fo ŋkpa tenteŋ, nɛ nɛfa.

Aŋasa 4:10

M pibinyɛn, kaŋ kusoe kenishipereso n nu kusɔ nɛ mee kaŋɛ fo ere, nseŋ nya ŋkpa tenteŋ.

Aŋasa 9:11

Kanyiasheŋ beeŋ shin nɛ fo ŋkpa e teŋi so.

Aizaaya 65:20

Mbi popɔrbi be luwu maaŋ naa wɔtɔ. Basa kikɛ beeŋ chena n fo bumo be nchɛ be ekar pɔɛŋ nseŋ wu. Basa nɛ b ji nfɛ kalfa gba beeŋ baa du fanɛ mbifɔlbi. Basa nɛ b maaŋ fo nfɛ kalfa pɔɛŋ nseŋ wu na, baaŋ wu bumo be luwu na fanɛ kɔnɔsho be luwu.

Ditɛronɔmi 11:9

Nseŋ tiŋ n chena kasawule lela nɛ k bee wora adɔjibi ga, nɛ Enyɛnpe Ebɔrɛ na nase kumo be kɔnɔ n sa menyi nananyɛnana nɛ bumo kaman to ebi ere so n chɛr.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 6:2

A daga fanɛ menyi nɛ menyi be kamanebi kikɛ ka bee bunyaŋ Enyɛnpe menyi be Ebɔrɛ na nsaa wora mbe mbraana nɛ n ta a sa menyi ere kasonu menyi be kebaawɔtɔ kikɛ to, saŋɛ na so menyeeŋ chena kasawule na so n chɛr.

Kelaraŋŋini 20:6

Ketiŋi luwu to juŋkparso nna na. Kagbenefuli nɛ kebaawɔtɔ cheembi la bekama nɛ b ti bumo nɛ baaŋ tiŋi luwu be ketiŋi juŋkparso na to so. Luwu nyɔsopo na maŋ kɔ eleŋ bumo so. Baaŋ ki Ebɔrɛ nɛ Kristo be bɔrɛmatapoana, bumo alɛ beeŋ tu mo n ji kuwura nfɛ kagboŋ.