Ditɛronɔmi 11:19 - EBƆRƐ BE KAWƆL

¹⁹ Men baa ŋini menyi be mbia amo nsaa malga amo be asheŋ jemanɛ kikɛ ashi menyi be elaŋ to nɛ jemanɛ nɛ men lar kowu a nite nɛ jemanɛ nɛ men ya dese kanyɛso nɛ jemanɛ nɛ men koso kachipurso.

Ditɛronɔmi 11:19 ပူးပေါင်းရင်းမြစ်များ

Job be kawɔl 8:10

Ama an nanaana na bre beeŋ ŋini fo kasheŋwora, nɛ fo pin amo to nɛnɛ.

Nshɛ 34:11

Ma mbia, men kaŋ kusoe n nu; nɛ n ŋini menyi kananɛ menyeeŋ baa bunyaŋ Enyɛnpe na.

Nshɛ 78:4

Anyi maaŋ ta amo ŋ ŋana anyi be mbia so. Anyeeŋ malga Enyɛnpe Ebɔrɛ na be eleŋgboŋ nɛ mbe asheŋgboŋ nɛ emamachisheŋ nɛ e wora na be asheŋ n sa anyi be mbia nɛ baaŋ ba anyi be kaman na.

Aŋasa 2:1

M pibinyɛn, baa koya asɔ nɛ mee ŋini fo nsaa nyiŋi asɔ nɛ ŋ kaŋɛ fanɛ fo baa wora na saŋkikɛ.

Aŋasa 22:6

Ŋini kebia ekpa nɛ k daga fanɛ e bɔla so, saŋɛ na so, e kaŋ daŋ e maaŋ kpele ashi kumo so.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Ditɛronɔmi 32:46

nɛ e kaŋɛ le: “Men baa nyiŋi nsaa wora asheŋ nɛ ŋ kaŋɛ menyi kenishipere so kabre ere kasonu nɛnɛ. Men baa kute amo to a sa men be mbia, saŋɛ na so, bumo alɛ gba beeŋ wora kusɔ kama nɛ k wɔ Ebɔrɛ be mbra be kawɔl na to kasonu kashenteŋto.

Ditɛronɔmi 6:7

Men baa ŋini menyi be mbia amo. Men baa kute amo to jemanɛ nɛ men wɔ elaŋ to nɛ jemanɛ nɛ men wɔ ekpa so nɛ jemanɛ nɛ menyee wushi nɛ jemanɛ nɛ menyee shuŋ kikɛ.