Ditɛronɔmi 11:15 - EBƆRƐ BE KAWƆL

¹⁵ nɛ menyi be asɔbɔya e baa nya afitiri lela damta a ji. Menyi alɛ gbagba beeŋ nya ajibi nɛ menyee sha.

Ditɛronɔmi 11:15 ပူးပေါင်းရင်းမြစ်များ

1 Bewura 18:5

Obadaya ka ba nɛ ewura Ahab kaŋɛ mo le: “Shin nɛ an yɔ efuli ere be abuye nɛ kumo be ataŋɛ kikɛ to n ya keni anyeeŋ nya afitiri ndoŋ nɛnɛ nɛ anyi be egbaŋɛ nɛ ekurma e baa ji a? Saŋɛ na so an maaŋ mɔ amo be kekama ŋkpal akoŋ so.”

Nshɛ 104:14

Fo alɛ e naa shin nɛ afitiri bee kɔr nɛ kowu be asɔbɔya bee nya a ji, nɛ dimɛdi malɛ bee duu asɔ kasawule so a nya ajibi a ji,

Jɛremaya 14:5

Kupuŋ to be echibir gba shile nna nseŋ ka bumo be bibi popɔrbi n lɛ, ŋkpal afitiri ka maŋ wɔtɔ nɛ b ji so.

Jowɛl 1:18

Ana wɔtɔ nna a shile yireŋ yireŋ; a shu a muni to kagbenejijaso, ŋkpal a ka maŋ nya afitiri nɛ b we so. Mbolpɔ kikɛ gba bee ji awurfoŋ nna.

Jowɛl 2:19

ŋ kaŋɛ bumo le: “Naniere bre meeŋ sa menyi adɔjibi nɛ asɔ nuuso nɛ ɔlif be asɔrso be ŋku nɛ men ji m moɛ. Loŋ na efuli pɔtɛana so ebi maaŋ naŋ fɛl menyi nseŋ wora menyi eyurto.

Jowɛl 2:22

Kupuŋ to be asɔbɔya, e sa maŋ naa lɔ kufu naniere ŋkpal kusɔ nɛ menyeeŋ ji so. Afitiri nɛ afantaŋ kikɛ purge nna jiliim n sɔ kaplɛkama. Naniere ndibi bee sɔr asɔrso nna nɛ figi nɛ greep be asɔrso kikɛ chase.

Jowɛl 2:26

Naniere, menyeeŋ nya ajibi damta n ji m moɛ, nseŋ fara a di men Nyɛnpetale Ebɔrɛ nɛ e wora emamachisheŋ n sa menyi na epaŋ. Kashenteŋto esa kama maaŋ naŋ fɛl ma basa.

Levitikɔs 26:5

Menyi be adɔjibi beeŋ wora hale nɛ men buri aboyu loŋ n ya luri waindibi be asɔrso be kechuge be jemanɛ to. Menyi alɛ beeŋ baa kraa chuge waindibi be asɔrso aboyu be keduu be jemanɛ gba. Menyi beeŋ nya ajibi kama nɛ menyee sha a ji nɛ shɛŋ maaŋ tɔrɔ menyi ashi menyi be kasawule na so.

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Ditɛronɔmi 6:11

nɛ nwu nɛ asɔ lela bɔlɔ amo to nɛ menyi gbagba maŋ ta amo n wɔtɔ ndoŋ na, n sa menyi. Enyɛnpe Ebɔrɛ na beeŋ sa menyi atirbu nɛ menyi gbagba maŋ kur nɛ ndibi be adɔ nɛ ɔlif be ndibi be adɔ nɛ menyi gbagba maŋ dɔ n duu. Enyɛnpe Ebɔrɛ na kaŋ yɛr menyi kasawule ere so nɛ men ya nya asɔ nɛ menyee sha kikɛ a ji,

Ditɛronɔmi 8:10

Ade be kaman, menyeeŋ nya asɔ kama nɛ menyee sha n ji nseŋ ta kechɔrɔ n sa Enyɛnpe menyi be Ebɔrɛ na ŋkpal e ka sa menyi kasawule lela so.