Ditɛronɔmi 11:13 - EBƆRƐ BE KAWƆL

¹³ Amoso men baa wora mbraana nɛ n ta a sa menyi kabre ere kasonu. Men baa sha Enyɛnpe menyi be Ebɔrɛ na nsaa ta menyi be ŋgbene kikɛ a shuŋ mo.

Ditɛronɔmi 11:13 ပူးပေါင်းရင်းမြစ်များ

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Nshɛ 119:4

Enyɛnpe Ebɔrɛ, fo e sa anyi fo mbraana na, nsaa sha fanɛ an baa wora amo kasonu kashenteŋto.

Jɛremaya 17:24

To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Ezikɛl 34:26

Ade be kaman, meeŋ nɛfa bumo nseŋ shin nɛ b baa wɔ ma kebee cheembi na ase nɛ n sa bumo bɔrɛchu lela jemanɛ nɛ k daga nsaa la nɛfa na.

Levitikɔs 26:3

Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Levitikɔs 26:4

meeŋ shin nɛ bɔrɛ e baa ba menyi jemanɛ nɛ k daga, saŋɛ na so adɔjibi beeŋ baa wora nɛnɛ nɛ ndibi e baa sɔr nɛnɛ kasawule na so.

Ditɛronɔmi 10:12

To, Israɛl be basa, men nu kusɔ nɛ Enyɛnpe menyi be Ebɔrɛ na bee fin menyi kutɔ. Kumo e la fanɛ men bunyaŋ mo nseŋ bɛ mbe mbra kikɛ so nseŋ ta menyi be ŋgbene kikɛ n sha mo nseŋ shuŋ mo,

Ditɛronɔmi 11:1

Men baa sha Enyɛnpe menyi be Ebɔrɛ na nsaa wora mbe mbraana kikɛ kasonu.

Ditɛronɔmi 11:22

Men baa sha Enyɛnpe menyi be Ebɔrɛ na nsaa wora mbraana nɛ n ta a sa menyi kabre ere kasonu nɛnɛ. Men baa wora kusɔ kama nɛ e kaŋɛ menyi kenishipere so nsaa ji kashenteŋ a sa mo.

Ditɛronɔmi 11:8

Amoso, men baa wora asheŋ nɛ ŋ kaŋɛ menyi kabre ere kikɛ kasonu. Aloŋ nɛ menyeeŋ tiŋ n dii Jɔɔdan be lɔr na n ya sɔ kasawule nɛ menyee sha keluri to ere n chena so.

Ditɛronɔmi 28:1

Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.

Ditɛronɔmi 4:29

Ashi menyi be etɔrɔ na kikɛ to, menyeeŋ ba chɛrga a sha kenaŋ n shuŋ Enyɛnpe Ebɔrɛ na nawule. Nɛ menyi alɛ kaŋ bɛta m ba mo kutɔ nseŋ wora mo kasonu kashenteŋto, e beeŋ naa la menyi be Ebɔrɛ.

Ditɛronɔmi 6:17

Men baa wora mbraana nɛ Enyɛnpe Ebɔrɛ na sa menyi na kikɛ kasonu.

Ditɛronɔmi 7:12

Nɛ men nu nseŋ wora mbraana ere kasonu kashenteŋto, Enyɛnpe menyi be Ebɔrɛ na beeŋ baa bɛ menyi nɛ mo be kɔnɔkoŋwule be ŋkre na so nseŋ ŋini menyi mbe kasha nɛ k maa loge na fanɛ kananɛ e nase men nananyɛnana kɔnɔ na.