Ditɛronɔmi 11:11 - EBƆRƐ BE KAWƆL

¹¹ Ama kasawule nɛ menyee sha keluri to ere la abee nɛ ataŋɛ nna nɛ bɔrɛ bee ba kumo so nɛnɛ.

Ditɛronɔmi 11:11 ပူးပေါင်းရင်းမြစ်များ

Jɛnesis 27:28

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

Nshɛ 68:9

Kasawule ka wɔl nɛ fo shin nɛ bɔrɛ ba nɛ kaboŋ wushi.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Jɛremaya 2:7

Kumo be kaman nɛ m bar bumo kasawule nɛ k bee wora adɔjibi nɛnɛ so; saŋɛ na so, baaŋ dɔ n nya adɔjibi nɛ kasawule na so be asɔ lela ga. Ama b daŋ wora alubi n jija ma kasawule na, n shin nɛ kasawule nɛ n sa bumo na ki kusɔ nɛ ŋ gbagba kishi kumo.

Ezikɛl 36:4

Amoso naniere kusɔ nɛ ma Enyɛnpetale Ebɔrɛ na bee kaŋɛ menyi abeegboŋ nɛ abeebi nɛ eboŋana nɛ ataŋɛ nɛ mboŋ nɛ a bure a dese nɛ ndegboŋ nɛ basa shile amo to nɛ efuliana nɛ a kulti menyi na ba muu amo to be asɔ n yɔ nseŋ wora menyi eyurto na kikɛ nde.

Ditɛronɔmi 11:10

Kasawule nɛ menyee yɔ nɛ men ya sɔ n chena so na walɛ a chɔ Ijipt be kasawule na, kakpa nɛ men daa wora ania a wurge menyi be asɔduuso so nchu na.

Hibruwebi 6:7

Ŋkpal manɛ so, kasawule kama nɛ k bee nu bɔrɛchu nɛ a bee kaa tɔr kumo so nsaa sɔr asɔrso nɛ a daga a sa basa nɛ b duu asɔ kumo so na bee nya Ebɔrɛ be nɛfa nna.