Ditɛronɔmi 10:8 - EBƆRƐ BE KAWƆL

⁸ Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Ditɛronɔmi 10:8 ပူးပေါင်းရင်းမြစ်များ

1 Bewura 8:6

Bɔrɛmatapoana na e daŋ sulɔ Enyɛnpe Ebɔrɛ be ŋkre be deka na n ya yili m mata emalaika anyɔ na be aya ase ashi acheembiana to be kakpa cheembi na.

1 Kronikɛls 15:2

Kumo be kaman nɛ Deevid kaŋɛ le: “Livaiebi na nawule a daga fanɛ b baa sulɔ ŋkre be deka na ŋkpal manɛ so bumo nɛ Enyɛnpe Ebɔrɛ lara fanɛ b baa sulɔ kumo nsaa shuŋ mo mbaanaayɔ.”

1 Kronikɛls 15:26

Ŋkpal Ebɔrɛ ka daŋ chɛ Livaiebi na to nɛ b tiŋ n sulɔ Enyɛnpe be ŋkre be deka na so, egbolu ashunu nɛ ekpakpa ashunu nɛ b daŋ ta n lara sarga n sa Enyɛnpe Ebɔrɛ na.

1 Kronikɛls 23:13

Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

1 Kronikɛls 23:26

Amoso Livaiebi na maaŋ naa sulɔ Enyɛnpe Ebɔrɛ be wajɛbu na nɛ asɔ nɛ b kɔ ashuŋ kumo to na a nite.

2 Kronikɛls 29:11

Ma mbinyɛnsobi, men sa maa jija saŋɛ, ŋkpal manɛ so, menyi nɛ Enyɛnpe Ebɔrɛ na lara fanɛ men baa chɔɔ duwu a sa mo nsaa juŋkpar basa nɛ b baa shuŋ mo.”

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

Nshɛ 134:1

Menyi nɛ men la Enyɛnpe Ebɔrɛ na be nyɛrbi a shuŋ mo ashi mbe bɔrɛlambu to kanyɛso na e baa di mo epaŋ.

Nshɛ 134:2

Men maŋ menyi be enɔana so kabɔrɛkule to ashi Enyɛnpe Ebɔrɛ be bɔrɛlambu to ŋ kpaŋ mo.

Nshɛ 135:2

Menyi nɛ menyee shuŋ Enyɛnpe anyi be Ebɔrɛ na ashi mbe bɔrɛlambu to na e kpaŋ mbe ketre.

Jɛremaya 15:19

Ndoŋ nna nɛ Enyɛnpe Ebɔrɛ na kaŋɛ ma le: “Sa maa malga fanɛ ewulpo! Nɛ feeŋ chɛrga fo nfɛra a laŋɛ ma kaplɛa so nseŋ lar n ya kaa bɔ ma kubɔya, feeŋ baa kraa la ma anebi. Kumo be kaman nɛ basa na e baa ba fo kutɔ nɛ fo ere maaŋ naa yɔ bumo kutɔ n ya kaa malga.

Ezikɛl 44:11

B kraa beeŋ tiŋ a shuŋ bɔrɛlambu na to fanɛ basa nɛ baa keni mbunaana na so nseŋ naŋ tiŋ n chɛ basa na to m mɔ asɔbɔya nɛ b ta a lara esarga na.

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Levitikɔs 8:9

Kede be kaman nɛ e ta neemu ŋ kre Ɛɛrɔn be kumu so nseŋ ta shuwa be kusɔ paŋgelambi na m mata neemu na be anishito fanɛ kananɛ Enyɛnpe Ebɔrɛ na kaŋɛ Mosis na.

Levitikɔs 9:22

Ɛɛrɔn ka lara esarga na kikɛ n loge nɛ e maŋ mbe enɔana so n shoŋi basa na nseŋ nɛfa bumo pɔɛŋ nseŋ shi bɔrɛsure na ase ŋ gbelge m ba.

Nɔmbɛs 3:31

Bumo e naa keni ŋkre be deka nɛ k wɔ acheembiana to be kakpa cheembi na so, nɛ teebɔl na nɛ kefitilatɔl na nɛ ebɔrɛsureana na nɛ ntishaŋ nɛ bɔrɛmatapoana na bee ta a wora asheŋ ashi Enyɛnpe be wajɛbu na to nɛ patisa nɛ k wɔ acheembiana to be kakpa cheembi na be kabuna to na kikɛ so. Bumo e naa bela le be asɔ ere a yili mboŋ nseŋ naa bela amo ashi to.

Nɔmbɛs 3:6

“Lara Livai be yiri na nɛ b baa chɛ bɔrɛmatapo Ɛɛrɔn nɛ mbe mbia to a shuŋ kabɔrɛmata be kushuŋ.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Ashuŋ Shunso 13:2

Saŋko b ka bee bunyaŋ Enyɛnpe nsaa kishi nɛ Kiyoyu Cheeŋ na kaŋɛ bumo: “Men lara Baanabas nɛ Sɔɔl n sa ma nɛ b shuŋ kushuŋ nɛ n lara bumo fanɛ b ba shuŋ ere.”

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Romebi 12:7

Fo kama nɛ fo kakɛ la fo braana be kebaashuŋ, fo baa shuŋ bumo. Nɛ k naa la keŋini, fo baa ŋini.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Ditɛronɔmi 17:12

Esa kama nɛ e kaŋ pɛl ŋ kini kewora demujipo na ŋko bɔrɛmatapo nɛ e wɔ kushuŋ to loŋ be jemanɛ na kasonu, daga fanɛ men mɔ mo. Kananɛ menyeeŋ wora n lara kulubi Israɛl be efuli so nna na.

Ditɛronɔmi 18:5

Menyeeŋ baa sa bumo ade kikɛ nna, ŋkpal manɛ so, Enyɛnpe Ebɔrɛ na e lara bumo nɛ bumo be kaman to ebi ashi Israɛl be eyiriana na to nɛ b baa shuŋ mo fanɛ bɔrɛmatapoana mbaanaayɔ.

Ditɛronɔmi 21:3

Nɛ kade kama nɛ k mata ndoŋ ga na be benimu e lara kena fɔlbi nɛ b maŋ naŋ ta n shuŋ ŋ ku so,

Ditɛronɔmi 21:5

Bɔrɛmatapoana nɛ b shi Livai be yiri to na gba beeŋ yɔ ndoŋ, ŋkpal manɛ so, bumo e naa ji asheŋ nɛ a bee bar kebagato nɛ nlusheŋ. Enyɛnpe menyi be Ebɔrɛ na malɛ e lara bumo fanɛ b baa shuŋ mo nsaa bɔla mbe ketre so a nɛfa basa nsaa ji mpetɛ nɛ kebile n doro abar be asheŋ.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.