Ditɛronɔmi 10:22 - EBƆRƐ BE KAWƆL

²² Menyi nananyɛnana nɛ b daŋ yɔ Ijipt be efuli so na daa la basa adushunu nna. Ama naniere Enyɛnpe menyi be Ebɔrɛ na shin nɛ men wora keshi a du fanɛ achɛkpabi nɛ a wɔ awɔlpa to na.

Ditɛronɔmi 10:22 ပူးပေါင်းရင်းမြစ်များ

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 46:26

Jeekɔb be basa gbagba nɛ b daŋ yɔ Ijipt daa wɔ basa adeshe nɛ ashe, mbe mbia be beche daa maŋ ti so.

Jɛnesis 46:27

Bibinyɛn anyɔ nɛ Josɛf daŋ kurge ashi Ijipt n shin nɛ Jeekɔb be kanaŋ to ebi nɛ b daŋ yɔ Ijipt na kikɛ daa wɔ basa adushunu.

Nehemaya 9:23

Fo daŋ bar bumo kasawule nɛ fo nase kumo be kɔnɔ n sa bumo nanaana na so nna. Kumo be kaman nɛ fo nɛfa bumo nɛ k wora fanɛ bumo be efuli so be basa ka daa shi a chɔ achɛkpabi nɛ e wɔ awɔlpa to na.

Ɛksodɔs 1:5

Saŋɛ nɛ b yɔ Ijipt na nɛ Jeekɔb be kanaŋ to ebi kikɛ daa wɔ basa adushunu. Kumo be saŋɛ so nɛ Josɛf bre tea wɔ Ijipt.

Nɔmbɛs 26:51

Israɛl be benyɛn kikɛ daa wɔ ŋgboŋ alfa ashe nɛ kako nɛ alfa ashunu nɛ adesa nna.

Nɔmbɛs 26:62

Livai be yiri to be benyɛn nɛ b fo kufɔl ŋko m baŋ so nɛ b daa maŋ karga n ti Israɛlebi nɛ b ka na so ŋkpal bumo ere ka maŋ nya kasawule na be kachige so kikɛ daa wɔ ŋgboŋ adunyɔ nɛ asa.

Ashuŋ Shunso 7:14

Nɛ Josɛf kela fanɛ b ya kaŋɛ mo tuto Jeekɔb nɛ mbe basa kikɛ fanɛ b bela m ba Ijipt be efuli so, basa na kikɛ daa wɔ basa adushunu nɛ anu.

Ditɛronɔmi 1:10

Enyɛnpe, menyi be Ebɔrɛ na malɛ naŋ shin nɛ men wora keshi fanɛ achɛkpabi ashi awɔlpa so.

Ditɛronɔmi 1:11

Enyɛnpe, men nananyɛnana be Ebɔrɛ na e shin nɛ men naŋ wora keshi alegaiso gba n ti so nseŋ shin nɛ kusɔ kama bee nite nɛnɛ a sa menyi fanɛ kananɛ e nase kɔnɔ na!

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.

Ditɛronɔmi 28:62

Kananɛ men wora keshi a du fanɛ achɛkpabi ka wɔ awɔlpa so ere, nɛ men kaŋ kini kewora Enyɛnpe menyi be Ebɔrɛ na kasonu, menyi to be basa gbrɛbi e naaŋ ka a wɔ ŋkpa to.

Hibruwebi 11:12

Ŋkpal le be yirda ere so nɛ basa damta daŋ shi enyɛn koŋwule nɛ e daa maŋ naa kɔ eleŋ nseŋ daa du fanɛ esa nɛ e teŋ wu na to. Naniere b shi fanɛ achɛkpabi mo nɛ a wɔ awɔlpa to na nna. Esa malɛ maaŋ tiŋ ŋ karga bumo fanɛ kananɛ b maaŋ tiŋ ŋ karga teku ase be ajembubi na.