Ditɛronɔmi 10:21 - EBƆRƐ BE KAWƆL

²¹ Men baa kpaŋ mo, ŋkpal manɛ so, mo e la menyi be Ebɔrɛ nɛ menyi alɛ gbagba wu asheŋgboŋ nɛ a bee mɔ kɔnɔ nɛ e wora kenishiso.

Ditɛronɔmi 10:21 ပူးပေါင်းရင်းမြစ်များ

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

Nshɛ 109:1

O Ebɔrɛ, mee kpaŋ fo nna. Amoso sa maŋ lo to loŋ; kaŋɛ ma kusɔ ko!

Nshɛ 145:6

Basa beeŋ baa malga fo asheŋgboŋ be asheŋ nsaa ber fo keshi be kubomboŋ a sa beko.

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 22:3

Ama fo la esa cheembi nna a tase fo kuwurputi so. Fo nɛ Israɛlebi bee kpaŋ.

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 34:10

Ndoŋ nna nɛ Enyɛnpe Ebɔrɛ kaŋɛ Mosis: “Naniere ma nɛ Israɛlebi wora kɔnɔkoŋwule be ŋkre, ma alɛ beeŋ wora asheŋgboŋ nɛ a maŋ naŋ wora basa kama to ashi durnya to kikɛ bumo be anishito. Efuliana nɛ a kulti menyi na be basa beeŋ wu asheŋ tumase nɛ a bee keta kufu nɛ ma, Enyɛnpe Ebɔrɛ na beeŋ wora n sa menyi.

Aizaaya 60:19

Epeŋi nɛ kufɔl be kefulto be asheŋ maaŋ naa tir menyi. Ŋkpal manɛ so, ma Enyɛnpe Ebɔrɛ na be kemaŋkura be kefulto e naaŋ baa nyaŋɛ a yuu menyi so mbaanaayɔ.

Aizaaya 64:3

Jemanɛ ko daŋ fo nɛ fo wora asheŋgboŋ nɛ a bee mɔ kɔnɔ nɛ anyi daa maa fɛ fanɛ feeŋ wora amo. Abee ka wu fo nɛ kufu pɛ amo nɛ e bee chicha.

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Joshuwa 24:18

An ka bee ba kasawule ere so na nɛ Enyɛnpe Ebɔrɛ na ju Amɔriebi nɛ b wɔ kumo so na kikɛ. Amoso anyi alɛ gba beeŋ shuŋ Enyɛnpe na. Mo e la an be Ebɔrɛ.”

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.