Ditɛronɔmi 10:18 - EBƆRƐ BE KAWƆL

¹⁸ Mo ere Enyɛnpe Ebɔrɛ na e naa kuŋ amunibi nɛ bekulpoche nsaa keni befɔ nɛ b wɔ anyi be basa to so, a sa bumo ajibi nɛ asɔbuuso.

Ditɛronɔmi 10:18 ပူးပေါင်းရင်းမြစ်များ

2 Kronikɛls 19:7

Men baa bunyaŋ Enyɛnpe Ebɔrɛ na nsaa de so, ŋkpal manɛ so Enyɛnpe nɛ e la anyi be Ebɔrɛ na maa sha kapuni nɛ ŋkpɛato nɛ brɔbu be asheŋ.”

Nshɛ 10:18

Fo e naa kuŋ amunibi nɛ basa nɛ baa mɛaŋ na; saŋɛ na so, dimɛdi nɛ e la shishɛr na maaŋ naa tɔrɔ mo braana n shin nɛ kufu e baa pɛ bumo ga.

Nshɛ 103:6

Enyɛnpe Ebɔrɛ na bee ji asheŋ nɛ amo be ekpa so nna a sa bumo nɛ beko bee mɛaŋ na.

Nshɛ 145:9

Enyɛnpe Ebɔrɛ na bee wora ekama kelela nsaa kɔ kashagboŋ a sa mbe asɔ to so kikɛ nna.

Nshɛ 146:9

Enyɛnpe Ebɔrɛ na e naa keni befɔ so, nsaa ji a chɛ amunibi nɛ bekulpoche to; ama kumukpakpasowuraana bre, e bee mur bumo nna.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Nshɛ 68:6

Mo e naa ta bumo nɛ b maŋ kɔ basa a ki kanaŋ wurana. Mo e naa sɔ basa nɛ b ti ebu a yige, nsaa shin nɛ asheŋ bee nite nɛnɛ a sa bumo. Ama e bee yɛr bumo nɛ b kɔ asoe kpakpaso nsaa maa nu a sa mo na bre epeŋi kpakpaso be kasawule so nna.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 22:22

Men saa maa mɛaŋ bekulpoche ŋko amunibi,

Ɛksodɔs 22:23

nɛ mannɛ aloŋ nɛ b shu n tre ma, Enyɛnpetale na, ma nɛ n nu bumo kushu na kashenteŋto

Aizaaya 1:17

nseŋ koya kebaawora kusɔ nɛ k daga. Men shin nɛ keji asheŋ nɛ amo be ekpa so e baa wɔ menyi to. Kumo e la fanɛ, men baa chɛ bumo nɛ baa mɛaŋ to nsaa sa bemunibi asɔ nɛ a daga bumo nsaa ji bekulpoche be asheŋ ashi demujikpa nɛnɛ a sa bumo.”

Jɛremaya 49:11

Ama menyeeŋ tiŋ n yirda ma nseŋ yige menyi be amunibi nɛ bekulpoche n sa ma nɛ m baa keni bumo so.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Levitikɔs 25:35

Nɛ ketir pɛ men barkasa Israɛl be esa nɛ e wɔ menyi to nɛ e maa tiŋ a keni mbe kumu, a daga men ka keni mo so fanɛ kananɛ menyee keni befɔ so na, saŋɛ na so, e beeŋ tiŋ a wɔ menyi to.

Nɔmbɛs 10:32

Nɛ fo baŋ tu anyi n yɔ, nɛfa kama nɛ Enyɛnpe Ebɔrɛ beeŋ ta n nɛfa anyi na, fo alɛ gba beeŋ nya ako.”

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ditɛronɔmi 27:19

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ mɔn befɔ nɛ amunibi nɛ bekulpoche kashenteŋ na ŋkpal basa nɛ b la so.” Nɛ basa nɛ b yil Ebal be kebee so na e kaŋɛ: ‘Amɛn!’