Ditɛronɔmi 10:14 - EBƆRƐ BE KAWƆL

¹⁴ Kusɔ kama la Enyɛnpe menyi be Ebɔrɛ na peya nna, mannɛ kasawule ere nɛ asɔ nɛ a wɔ kumo to nawule ama awɔlpa nɛ ebɔrɛso kikɛ la mo peya nna.

Ditɛronɔmi 10:14 ပူးပေါင်းရင်းမြစ်များ

Jɛnesis 14:19

nseŋ nɛfa mo ŋ kaŋɛ: “Ebɔrɛ Ewurgboŋ nɛ e to esoso nɛ kasawule na e nɛfa fo Eebram.

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

2 Kronikɛls 6:18

Fo Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Job be kawɔl 41:11

Ma e naa yili asheŋ a sa durnya kikɛ, ma alɛ maŋ ji esa kikɛ be kukɔ.

Nshɛ 115:16

Ebɔrɛso la Enyɛnpe Ebɔrɛ na nawule peya nna, ama e ta kasawule nna n sa anyi edimɛdi.

Nshɛ 148:4

Ebɔrɛso nɛ k wɔ awɔlto chilili, nɛ awɔlto be nchuana kikɛ, e baa kpaŋ Enyɛnpe Ebɔrɛ na.

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Nshɛ 50:12

Nɛ akoŋ kɔ ma gba m maaŋ kaŋɛ menyi, ŋkpal manɛ so, durnya nɛ kusɔ kama nɛ k wɔ kumo to kikɛ la meya nna.

Nshɛ 68:33

Men fur emo nɛ e yili dra na kikɛ a dii awɔlpa na. Men kaŋ kusoe n nu mbe ebɔl nɛ k bee gbri fanɛ bɔrɛ ka bee ponte na.

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Ashuŋ Shunso 17:24

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.

1 Kɔrintebi 10:26

Ŋkpal manɛ so: “Kasawule ere nɛ kusɔ kama nɛ k wɔ kumo so ere kikɛ la Enyɛnpe na peya nna.”

1 Kɔrintebi 10:28

Ama nɛ esa ko baŋ kaŋɛ fo le: “B ta kumo nna n lɔŋɛ kegbir,” kumo ere fo sa maŋ ji kumo ŋkpal esa nɛ e kaŋɛ fo na so, nɛ shika be nfɛra so.

2 Kɔrintebi 12:2

N nyi Kristo be kanyɛn ko ka daa wɔ Kristo to nɛ b maŋ mo so n yɔ ebɔrɛso be kakpa sasopo na. Kumo be nfɛ kuduana kabre. Ma alɛ maŋ nyi ŋko e daa wɔ eyur ere to nna nɛ loŋ wora ŋko e daŋ lar eyur ere to nna pɔɛŋ nɛ loŋ wora, Ebɔrɛ nawule e nyi.

Ditɛronɔmi 10:13

nseŋ naŋ wora mbe mbraana nɛ mee ta a sa menyi kabre ere kikɛ kasonu. Nɛ men wora loŋ, asheŋ beeŋ nyalɛ n sa menyi.

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.