Ditɛronɔmi 10:13 - EBƆRƐ BE KAWƆL

¹³ nseŋ naŋ wora mbe mbraana nɛ mee ta a sa menyi kabre ere kikɛ kasonu. Nɛ men wora loŋ, asheŋ beeŋ nyalɛ n sa menyi.

Ditɛronɔmi 10:13 ပူးပေါင်းရင်းမြစ်များ

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

Aŋasa 9:12

Fo nyiasheŋ, feeŋ ji kumo be tɔnɔ; Fo kpal kamoowuso ŋ kini kanyiasheŋ feeŋ ji awurfoŋ.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Ditɛronɔmi 10:12

To, Israɛl be basa, men nu kusɔ nɛ Enyɛnpe menyi be Ebɔrɛ na bee fin menyi kutɔ. Kumo e la fanɛ men bunyaŋ mo nseŋ bɛ mbe mbra kikɛ so nseŋ ta menyi be ŋgbene kikɛ n sha mo nseŋ shuŋ mo,

Ditɛronɔmi 10:14

Kusɔ kama la Enyɛnpe menyi be Ebɔrɛ na peya nna, mannɛ kasawule ere nɛ asɔ nɛ a wɔ kumo to nawule ama awɔlpa nɛ ebɔrɛso kikɛ la mo peya nna.

Ditɛronɔmi 6:24

Kumo be kaman nɛ Enyɛnpe anyi be Ebɔrɛ na kaŋɛ anyi kenishipere so fanɛ an baa wora mbraana ere kikɛ kasonu nsaa bunyaŋ mo. Nɛ anyee wora loŋ, e beeŋ baa kuŋ anyi nsaa chɛ anyi to nɛ asheŋ e baa nyalɛ a sa anyi.

Jeems 1:25

Ama nɛ esa baa ta mbe nfɛra kikɛ a wɔtɔ Ebɔrɛ be mbraana nɛ a maŋ kɔ kulubi amo to kikɛ nsaa tiŋ a lara basa alubi to na to a maa teŋ asɔ nɛ e koya na so nsaa kɔ amo to kpakpa a wora asɔ nɛ a bee ŋini na, Ebɔrɛ beeŋ nɛfa amodoŋwura.