Ditɛronɔmi 10:10 - EBƆRƐ BE KAWƆL

¹⁰ Jemanɛ nɛ n naŋ ta ajembu peŋgeleŋ peŋgelembi popɔr anyɔ na n dii kebee na so na, nchɛ adena nɛ nnyɛ adena nɛ n naŋ ji ndoŋ fanɛ kananɛ n daŋ keji ndoŋ na. Ndoŋ nna nɛ Enyɛnpe Ebɔrɛ na naŋ nu ma kekule nseŋ shuli fanɛ e maaŋ mur bumo.

Ditɛronɔmi 10:10 ပူးပေါင်းရင်းမြစ်များ

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Ɛksodɔs 33:17

Ndoŋ nna nɛ Enyɛnpe Ebɔrɛ kaŋɛ Mosis: “Ŋkpal ŋ ka nyi fo nɛnɛ nɛ fo asheŋ malɛ bee par ma so, meeŋ wora kusɔ nɛ fo kaŋɛ na gbagba chap.”

Ɛksodɔs 34:28

Nchɛ adena nɛ nnyɛ adena nɛ Mosis daŋ ta a wɔ Enyɛnpetale Ebɔrɛ na kutɔ nsaa maa ji ŋko a nuu. Loŋ be saŋɛ nɛ Enyɛnpe Ebɔrɛ daŋ sibɛ kɔnɔkoŋwule be ŋkre be mmalga na n deŋi ajembu pantraŋ pantrambi anyɔ na so. Amo e la mbra kudu na.

Matiu 27:42

B yɛ: “E mɔlga basa pɔtɛ, ama e maaŋ tiŋ m mɔlga mo gbagba be kumu. E yɛ mo e la Israɛlebi be Ewura na, men shin nɛ e shi kedibi largato ere so ŋ gbelge m ba nɛ an yirda mo.

Ditɛronɔmi 10:11

Kumo be kaman nɛ e kaŋɛ ma fanɛ m ba juŋkpar menyi, saŋɛ na so menyeeŋ tiŋ n ya kɔ n sɔ kasawule nɛ e nase kumo be kɔnɔ n sa men nananyɛnana na nɛ k baa la menyeya.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.