Ditɛronɔmi 1:9 - EBƆRƐ BE KAWƆL

⁹ Ndoŋ nna nɛ Mosis kaŋɛ basa na le: “An ka daa wɔ kebee nɛ baa tre Sainai na ase na, n daŋ kaŋɛ menyi fanɛ kebaajuŋkpar menyi be kushuŋ na shi ga n sa ma. N nawule maaŋ tiŋ a shuŋ kumo.

Ditɛronɔmi 1:9 ပူးပေါင်းရင်းမြစ်များ

Ɛksodɔs 18:18

K beeŋ tɔrɔ fo nɛ basa nɛ b wɔ fo kutɔ ere kikɛ nɛ fo gben ga, ŋkpal manɛ so, kushuŋ na shi ga n sa fo. Fo nawule maaŋ tiŋ n wora kumo.

Ɛksodɔs 18:24

Ndoŋ nna nɛ Mosis shuli m bɛ mo shanyɛn Jetro be kamalga na so nseŋ wora asɔ nɛ e kaŋɛ mo na kikɛ.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Ditɛronɔmi 22:18

Nɛ kade be benimuana na e shin nɛ b pɛ enyɛn na ŋ kuya so.