Ditɛronɔmi 1:8 - EBƆRƐ BE KAWƆL

⁸ Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 1:8 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Nehemaya 9:15

Akoŋ ka daŋ pɛ bumo fo sa bumo ajibi nɛ a shi ebɔrɛso nna. Achukoŋ ka daa kɔ bumo, fo daŋ shin nɛ nchu lar kefalta to nna nɛ b nuu. Kumo be kaman nɛ fo kaŋɛ bumo fanɛ b kɔ n suge kasawule nɛ fo nase kumo be kɔnɔ na nna.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ɛksodɔs 33:1

Kachako nɛ Enyɛnpe Ebɔrɛ kaŋɛ Mosis: “Fo nɛ basa nɛ fo juŋkpar n lar Ijipt be kasawule so na e koso nfe n yɔ efuli nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ bumo be kaman to ebi kikɛ na so.

Jɛremaya 32:22

Kumo be kaman nɛ fo ta kasawule nɛ k kɔ eleŋ a wora adɔjibi nɛnɛ ga na n sa Israɛlebi bumo nananyɛnana.

Ezikɛl 47:14

N daŋ bɔ ntaŋ n nase kɔnɔ n sa menyi nananyɛnana fanɛ meeŋ sa bumo kasawule ere nɛ k baa la bumo peya; amoso men barga kumo to dede n sa abar.

Nɔmbɛs 14:23

Bumo be keya maaŋ cha kasawule nɛ n nase kɔnɔ fanɛ meeŋ sa bumo nananyɛnana na so kikɛ. Bekama nɛ b kini ma na be ekama be keya maaŋ cha ndoŋ.

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

Ditɛronɔmi 1:11

Enyɛnpe, men nananyɛnana be Ebɔrɛ na e shin nɛ men naŋ wora keshi alegaiso gba n ti so nseŋ shin nɛ kusɔ kama bee nite nɛnɛ a sa menyi fanɛ kananɛ e nase kɔnɔ na!

Ditɛronɔmi 1:35

‘Menyi ere be kekurgeto be basa lubi ere be esa koŋwule gba maaŋ yɔ kasawule lela nɛ n nase kɔnɔ fanɛ meeŋ ta n sa men nananyɛnana na so kikɛ.

Ditɛronɔmi 10:11

Kumo be kaman nɛ e kaŋɛ ma fanɛ m ba juŋkpar menyi, saŋɛ na so menyeeŋ tiŋ n ya kɔ n sɔ kasawule nɛ e nase kumo be kɔnɔ n sa men nananyɛnana na nɛ k baa la menyeya.

Ditɛronɔmi 11:24

Kasawule kama nɛ menyeeŋ bɔla so n choŋ beeŋ ki menyeya nɛ menyi be efuli e salga to n shi keshishɛrsawule nɛ k wɔ kelargato be kaseto be kaba so na n ya fo Lebanɔn be abeegboŋ ashi kelargato be esoso nseŋ naŋ yili lɔrgboŋ nɛ baa tre Yufreetes na ashi epeŋilarkpa n ya fo Teku nɛ baa tre Mɛditerenia nɛ k wɔ epeŋitɔrkpa be kaba so na.

Ditɛronɔmi 11:9

Nseŋ tiŋ n chena kasawule lela nɛ k bee wora adɔjibi ga, nɛ Enyɛnpe Ebɔrɛ na nase kumo be kɔnɔ n sa menyi nananyɛnana nɛ bumo kaman to ebi ere so n chɛr.

Ditɛronɔmi 2:29

hale nɛ an ya dii lɔr nɛ baa tre Jɔɔdan na n yɔ kasawule nɛ Enyɛnpe anyi be Ebɔrɛ na ta a sa anyi na so. Edɔmebi nɛ Mowabebi bre tiŋ n shin nɛ an bɔla bumo be nsawule so n choŋ.”

Ditɛronɔmi 26:15

Amoso yili fo kakpa cheembi ashi ebɔrɛso n nɛfa fo basa Israɛlebi nɛ kasawule lela nɛ k kɔ eleŋ a wora adɔjibi nɛ fo ta n sa anyi na gba, fanɛ kananɛ fo nase kumo be kɔnɔ n sa an nanaana na.”

Ditɛronɔmi 26:3

Men yɔ bɔrɛmatapo nɛ e wɔ kushuŋ to loŋ be jemanɛ na kutɔ n ya kaŋɛ mo le: “Kusɔ nɛ ŋ kɔ a chɔrɔ Enyɛnpe ma Ebɔrɛ a ŋini fanɛ n nya ekpa n luri kasawule nɛ e nase kumo be kɔnɔ n sa an nananyɛnana na dra dra na kikɛ na nna na.”

Ditɛronɔmi 28:11

Enyɛnpe Ebɔrɛ na beeŋ sa menyi mbia nɛ asɔbɔya nɛ adɔjibi damta ashi kasawule nɛ e nase kumo be kɔnɔ n sa menyi nananyɛnana na so.

Ditɛronɔmi 29:12

Men wɔ nfe kabre nna nɛ men nase kɔnɔ fanɛ menyeeŋ wora m bɔlɔ kɔnɔkoŋwule be ŋkre nɛ menyi nɛ Enyɛnpe, men be Ebɔrɛ na bee kre na so,

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Ditɛronɔmi 31:7

Ade be kaman, nɛ Mosis tre Joshuwa m ba kaŋɛ mo le ashi Israɛl be basa na kikɛ be anishito: “Nya kagbene a kɔ kenyɛn. Fo e naaŋ juŋkpar basa ere n ya sɔ kasawule nɛ Enyɛnpe Ebɔrɛ na nase kumo be kɔnɔ n sa bumo nananyɛnana na n chena so.

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 6:10

Ade be kaman nɛ Mosis naŋ kaŋɛ Israɛlebi na le: “Kananɛ Enyɛnpe Ebɔrɛ nɛ e nase kɔnɔ n sa men nananyɛnana, Eebraham nɛ Aizek nɛ Jeekɔb, fanɛ e beeŋ ta kasawule nɛ nde gboŋgboŋi nɛ a kɔ nwu lela nɛ menyi gbagba maŋ pɔr amo

Ditɛronɔmi 7:12

Nɛ men nu nseŋ wora mbraana ere kasonu kashenteŋto, Enyɛnpe menyi be Ebɔrɛ na beeŋ baa bɛ menyi nɛ mo be kɔnɔkoŋwule be ŋkre na so nseŋ ŋini menyi mbe kasha nɛ k maa loge na fanɛ kananɛ e nase men nananyɛnana kɔnɔ na.

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Ditɛronɔmi 8:1

Mosis daŋ kaŋɛ le nna: “Men baa wora mbraana nɛ n ta a sa menyi kabre ere kikɛ kasonu kashenteŋto, saŋɛ na so menyeeŋ baa wɔ ŋkpa to nseŋ wora keshi n ti so nseŋ tiŋ ŋ kɔ n sɔ kasawule nɛ Enyɛnpe Ebɔrɛ na nase kumo be kɔnɔ n sa men nananyɛnana na n chena so.

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.

Hibruwebi 6:13

Ebɔrɛ ka daŋ nase kɔnɔ n sa Eebraham na e daŋ bɔ mo gbagba be kumu nna fanɛ e beeŋ wora kusɔ nɛ e daŋ nase na, ŋkpal manɛ so, esa kikɛ daa maŋ naa wɔtɔ a chɔ mo nɛ e bɔ n ti amodoŋwura be ketre.

Hibruwebi 6:14

Le nɛ e daŋ kaŋɛ Eebraham: “Kashenteŋ nɛ mee ji fo na fanɛ meeŋ nɛfa fo n sa fo kaman to ebi damta.”

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.