Ditɛronɔmi 1:7 - EBƆRƐ BE KAWƆL

⁷ Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 1:7 ပူးပေါင်းရင်းမြစ်များ

Jɛnesis 12:9

nseŋ naŋ pɛ mbe enite na to be ekpa loŋ a yɔ keshishɛrsawule nɛ baa tre Negɛf na be kaba so.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

1 Kronikɛls 18:3

Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

1 Kronikɛls 5:9

Ŋkpal b ka daa kɔ asɔbɔya damta ashi Giliad be kasawule so so, b daŋ chena nna hale n ya fo keshishɛrsawule nɛ k dese a laŋɛ Yufreetes be Lɔr na be epeŋilarkpa be kaba so na.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Nɔmbɛs 10:12

nɛ Israɛlebi na malɛ gba lar Sainai be keshishɛrsawule na so nseŋ pɛ ekpa m bɛ kuwɔlpa na so hale nɛ k ya yili Paran be keshishɛrsawule so.

Ditɛronɔmi 1:19

“Ade be kaman nɛ an wora kusɔ nɛ Enyɛnpe, anyi be Ebɔrɛ na kaŋɛ fanɛ an wora na nseŋ lar Sainai be kebee na ase m bɔla keshishɛrsawule palɛlɛ nɛ k kɔ kufu na so a yɔ Amɔriebi be kepreŋsawule so. An ka ya fo kakpa nɛ baa tre Kadɛsh Baania na,

Ditɛronɔmi 11:11

Ama kasawule nɛ menyee sha keluri to ere la abee nɛ ataŋɛ nna nɛ bɔrɛ bee ba kumo so nɛnɛ.

Ditɛronɔmi 11:24

Kasawule kama nɛ menyeeŋ bɔla so n choŋ beeŋ ki menyeya nɛ menyi be efuli e salga to n shi keshishɛrsawule nɛ k wɔ kelargato be kaseto be kaba so na n ya fo Lebanɔn be abeegboŋ ashi kelargato be esoso nseŋ naŋ yili lɔrgboŋ nɛ baa tre Yufreetes na ashi epeŋilarkpa n ya fo Teku nɛ baa tre Mɛditerenia nɛ k wɔ epeŋitɔrkpa be kaba so na.

Joshuwa 1:4

Menyi be kasawule beeŋ fara kelargato be kaseto be keshishɛrsawule na ase n ya fo Lebanɔn be abee so ashi kelargato be esoso, nɛ lɔrgboŋ nɛ baa tre Yufreetes na ashi epeŋilarkpa nseŋ bɔla Hitebi be efuli so n ya fo teku nɛ baa tre Mɛditerenia na ashi epeŋitɔrkpa.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Joshuwa 9:1

Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.

Kelaraŋŋini 9:14

ŋ kaŋɛ malaika shesopo nɛ e daa kɔ kabel to na le: “Shin nɛ emalaika ana mo nɛ b kre lɔrgboŋ nɛ baa tre Yufreetes akpa na e nya bumo be amu n yɔ.”