Ditɛronɔmi 1:6 - EBƆRƐ BE KAWƆL

⁶ “Jemanɛ nɛ an daa wɔ Sainai be kebee na ase na, nɛ Enyɛnpe anyi be Ebɔrɛ na kaŋɛ anyi le: ‘Men chena kebee ere ase n chɛr ga.

Ditɛronɔmi 1:6 ပူးပေါင်းရင်းမြစ်များ

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Nɔmbɛs 9:22

Hale nchɛ anyɔ ŋko kufɔl ŋko kafɛ gba nɛ kuwɔlpa na buu wajɛbu na so, bumo alɛ gba baa wɔ keeyi na to nna. Ama k baŋ tia, bumo alɛ gba bee kaa nna m bɛ kumo so.

Ditɛronɔmi 1:5

Jemanɛ nɛ basa na daa wɔ Mowabebi be kasawule nɛ k dese lɔr nɛ baa tre Jɔɔdan na be epeŋilarkpa be kaba so na nɛ Mosis fara a malga a bugi Ebɔrɛ be mbraana nɛ keŋiniana to. E yɛ:

Ditɛronɔmi 18:16

Kachɛ nɛ men daŋ shɛr ashi kebeegboŋ nɛ baa tre Sainai na ase na, men daŋ kule ma nna fanɛ menyi maŋ naa sha kenu Enyɛnpe Ebɔrɛ na be ebɔl ŋko n wu mbe edɛ gboŋ na kikɛ, ŋkpal manɛ so, menyi daa lɔ kufu nna fanɛ menyeeŋ wu.”

Ditɛronɔmi 5:2

Sainai be kebeegboŋ na ase nɛ anyi nɛ Enyɛnpe, anyi be Ebɔrɛ na wora kɔnɔkoŋwule be ŋkre. Mannɛ an nananyɛnana nɛ mo e daŋ wora ŋkre na, ama anyi nɛ an wɔ ŋkpa to kabre ere gba nɛ mo e wora kumo.

Ditɛronɔmi 9:8

Men daŋ shin nɛ e nya agbo hale n daa sha kemur menyi gba kuraa nna ashi Sainai be kebeegboŋ na ase.