Ditɛronɔmi 1:44 - EBƆRƐ BE KAWƆL

⁴⁴ Ndoŋ nna nɛ Amɔriebi nɛ b daa wɔ abee na so na gbelge m ba menyi so fanɛ emushoŋ n ju menyi hale n ya fo kakpa nɛ baa tre Hɔɔma nɛ k wɔ Edɔm be kebeesawule so n ya kɔ m pɔɔ menyi so ndoŋ.

Ditɛronɔmi 1:44 ပူးပေါင်းရင်းမြစ်များ

Nshɛ 118:12

B daŋ ba mel ma so fanɛ emushoŋ nna, ama Enyɛnpe Ebɔrɛ na be ketre to, b daŋ chɔɔ m mur nna fanɛ edɛ ka tɔr afitiri wɔlso so na.

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Nɔmbɛs 14:45

Ndoŋ nna nɛ Amalɛkebi nɛ Keenanebi nɛ b wɔ kebee so be efuli na so na kɔ m pɔɔ bumo so nseŋ ju bumo hale n ya fo kade nɛ baa tre Hɔɔma na.

Nɔmbɛs 21:3

Nɛ Enyɛnpe Ebɔrɛ nu Israɛlebi na be kekule nseŋ chɛ bumo to nɛ b kɔ m pɔɔ Aradebi na so nseŋ mur bumo nɛ bumo be nde kikɛ.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Joshuwa 7:5

nseŋ mɔ Israɛlebi na be basa adesa nɛ ashe kikɛ. Aiebi na daŋ yili kade na be kabunagboŋ na ase nna n ju Israɛlebi na hale n ya fo kakpa nɛ baa bure ajembu to a pɔr na. Ndoŋ nɛ Israɛlebi na be aba pɔ bumo nɛ kufu pɛ bumo ga.