Ditɛronɔmi 1:30 - EBƆRƐ BE KAWƆL

³⁰ Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 1:30 ပူးပေါင်းရင်းမြစ်များ

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nehemaya 4:14

Kumo be kaman nɛ n wu fanɛ basa na be ŋgbene jija bumo, nɛ ŋ kaŋɛ bumo nɛ bumo be bejuŋkparpo nɛ ekrachi na le: “Men sa maa ŋana anyi doŋana ere. Men baa nyiŋi kananɛ Enyɛnpe na be eleŋ shi ga nɛ kananɛ mbe asheŋ bee keta kufu. Amoso men leŋ menyi be amu to nseŋ kɔ kenishipereso n sa menyi be basa nɛ mbia nɛ beche nɛ elantoebi!”

Nehemaya 4:20

Men baŋ nu kabel na be kushu, men wora manaŋ m ba shɛr ŋ kulti ma. Anyi be Ebɔrɛ na beeŋ chɛ anyi to ŋ kɔ.”

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Ɛksodɔs 10:21

Kumo be kaman nɛ Enyɛnpe Ebɔrɛ naŋ kaŋɛ Mosis le: “Teŋi fo enɔ ŋ ŋini awɔlto nɛ ketentembiri e ba buu Ijipt be kasawule so kikɛ, k beeŋ baa la ketentembirigboŋ nna nɛ k beeŋ ba du mina kashenteŋto.”

Ɛksodɔs 14:14

Enyɛnpe Ebɔrɛ na beeŋ kɔ bumo kena n sa menyi. Menyi ere e yige a keni mo de.”

Ɛksodɔs 14:25

E daŋ shin nna nɛ bumo be egbaŋɛturkoana na be aya gbaŋ n lar n lar nɛ eturko na be kefar ki bumo so kpakpa. Ndoŋ nna nɛ Ijipt be benapo na kaŋɛ abar le: “Men shin nɛ an bɛta nfe, ŋkpal manɛ so Enyɛnpe Ebɔrɛ bee kɔ anyi kena a chɛ Israɛlebi to nna na.”

Ɛksodɔs 19:4

‘Men wu kusɔ nɛ n daŋ wora Ijiptebi na nɛ kananɛ n daŋ ta menyi fanɛ kusore ka ta mo pibi a firgi na, m bar menyi ma kutɔ nfe.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

Ditɛronɔmi 1:29

Ndoŋ nna nɛ ŋ kaŋɛ: ‘Men sa maa ŋana basa na.

Ditɛronɔmi 11:3

n wora emamachisheŋ ashi Ijipt be efuli so. Menyi e wu kusɔ nɛ e wora Ijipt be ewura Fɛɛro nɛ mbe basa kikɛ.

Ditɛronɔmi 29:2

Mosis tre Israɛl be basa na kikɛ nna n shɛr nseŋ kaŋɛ bumo le: Menyi gbagba daŋ wu kusɔ nɛ Enyɛnpe Ebɔrɛ na wora Ijipt be ewura nɛ mbe benimuana nɛ bekama nɛ b wɔ mbe efuli so na.

Ditɛronɔmi 3:22

Amoso, men sa maa ŋana bumo, ŋkpal manɛ so, Enyɛnpe menyi be Ebɔrɛ na beeŋ chɛ menyi to ŋ kɔ bumo.”

Ditɛronɔmi 31:3

Enyɛnpe menyi be Ebɔrɛ na gbagba nɛ Joshuwa e naaŋ juŋkpar menyi n ya kɔ efuliana nɛ a wɔ ndoŋ na; saŋɛ na so, menyeeŋ tiŋ n ya chena kasawule na so fanɛ kananɛ Enyɛnpe Ebɔrɛ na kaŋɛ na.

Ditɛronɔmi 34:11

Anebi kikɛ maŋ naŋ tiŋ n wora emamachisheŋ nɛ asheŋ nɛ a bee mɔ kɔnɔ n fo amo nɛ Enyɛnpe Ebɔrɛ na shuŋi Mosis nɛ e ya wora ashi Ijipt be ewura nɛ mbe benimuana nɛ efuli na kikɛ be basa be anishito so.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 7:18

Men sa maa ŋana bumo, ama men baa nyiŋi kusɔ nɛ Enyɛnpe menyi be Ebɔrɛ na wora Ijipt be ewura nɛ mbe basa na.

Joshuwa 10:14

Pɔɛŋ nɛ loŋ wora na, nɛ loŋ ka wora na be kaman m ba fo kabre, Enyɛnpe Ebɔrɛ maŋ naŋ wora loŋ n sa dimɛdi kikɛ. Kashenteŋto, Enyɛnpe Ebɔrɛ na e daa kɔ a sa Israɛlebi na!

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 23:3

Menyi kikɛ wu kusɔ nɛ Enyɛnpe menyi be Ebɔrɛ na wora efuliana na ŋkpal menyi so. Enyɛnpe Ebɔrɛ na e kɔ n sa menyi.