Ditɛronɔmi 1:27 - EBƆRƐ BE KAWƆL

²⁷ Men daa wɔ menyi be ewajɛbu to nna a munto a bile asheŋ a sa abar a kaŋɛ le: ‘Enyɛnpe Ebɔrɛ na kishi anyi nna nseŋ lara anyi Ijipt be efuli so m ba nɛ e ba sa Amɔriebi nɛ b mɔ anyi.

Ditɛronɔmi 1:27 ပူးပေါင်းရင်းမြစ်များ

Nshɛ 106:25

B daŋ kini kewora Ebɔrɛ kasonu nna, nseŋ daa munto a bile asheŋ ashi bumo be ewajɛbu to.

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Ɛksodɔs 16:8

Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Nɔmbɛs 14:3

Manɛ nna nɛ Enyɛnpe Ebɔrɛ keta anyi a ba Keenan nɛ b mɔ anyi nseŋ pɛ anyi be beche nɛ mbia ŋ ki anya? An daa wɔ Ijipt be kasawule so gba, k daa ba bɔ.”

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

Matiu 25:24

Ndoŋ nna nɛ emo nɛ e daŋ nya bɔtɛ koŋwule na malɛ ba lar m ba kaŋɛ le: ‘Enyɛnpe, n nyi kananɛ fo la kumukpakpasowura, kakpa nɛ fo maŋ duu, ndoŋ nɛ fee teŋi nsaa tise asɔ kakpa nɛ fo maŋ chela amo.

Luuk 19:21

ŋkpal manɛ so, n daa ŋana fo kagbene nna. Ŋkpal manɛ so, n nyi kananɛ fo la kumukpakpasowura. Kusɔ nɛ fo maŋ ta n nase, kumo nɛ fee ta, asɔ nɛ fo maŋ duu, amo nɛ fee teŋi.’

Ditɛronɔmi 9:28

Nɛ fo mur bumo, Ijiptebi na beeŋ kaŋɛ fanɛ fo maŋ tiŋ n ta fo basa na n yɔ kasawule nɛ fo nase bumo kumo be kɔnɔ na so nna nseŋ ya mɔ bumo keshishɛrsawule so ŋkpal fo ka kishi bumo so.