Ditɛronɔmi 1:2 - EBƆRƐ BE KAWƆL

² Nchɛ kudukako nɛ esa beeŋ ta n shi kebee nɛ baa tre Sainai na ase m bɔla Edɔm be kebeesawule so be ekpa na n ya fo kakpa nɛ baa tre Kadɛsh Bania na.

Ditɛronɔmi 1:2 ပူးပေါင်းရင်းမြစ်များ

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Levitikɔs 2:14

Kafɛ to be ayu nɛ menyeeŋ juŋkpar n teŋi nseŋ jɔ amo m ba lara sarga n sa Enyɛnpe Ebɔrɛ na daga a baa la ayu nɛ b ke ŋko n yarga nna.

Levitikɔs 9:23

Kumo be kaman nɛ Mosis nɛ Ɛɛrɔn luri wajɛbu na to. B ka lar m ba nɛ b nɛfa basa na nɛ Enyɛnpe Ebɔrɛ na be kemaŋkura fulto ndoŋ nɛ basa na kikɛ wu kumo.

Nɔmbɛs 13:26

n yɔ Mosis nɛ Ɛɛrɔn nɛ Israɛlebi na kikɛ kutɔ ashi Kadɛsh nɛ k wɔ keshishɛrsawule nɛ baa tre Paran na n ya kaŋɛ bumo kusɔ nɛ b ya wu ndoŋ nseŋ ta ndoŋ be asɔrso na ŋ ŋini bumo.

Nɔmbɛs 32:8

Loŋ nɛ men nananyɛnana gba daŋ wora saŋɛ so nɛ n daŋ yili Kadɛsh Bania n shuŋi bumo fanɛ b ya dara kasawule na.

Ditɛronɔmi 1:19

“Ade be kaman nɛ an wora kusɔ nɛ Enyɛnpe, anyi be Ebɔrɛ na kaŋɛ fanɛ an wora na nseŋ lar Sainai be kebee na ase m bɔla keshishɛrsawule palɛlɛ nɛ k kɔ kufu na so a yɔ Amɔriebi be kepreŋsawule so. An ka ya fo kakpa nɛ baa tre Kadɛsh Baania na,

Ditɛronɔmi 1:44

Ndoŋ nna nɛ Amɔriebi nɛ b daa wɔ abee na so na gbelge m ba menyi so fanɛ emushoŋ n ju menyi hale n ya fo kakpa nɛ baa tre Hɔɔma nɛ k wɔ Edɔm be kebeesawule so n ya kɔ m pɔɔ menyi so ndoŋ.

Ditɛronɔmi 2:1

Kumo be kaman nɛ an bɛta n sɔ Teku Peper na be ekpa a yɔ keshishɛrsawule na so fanɛ kananɛ Enyɛnpe Ebɔrɛ na kaŋɛ kenishipereso na. Nfɛ damta nɛ anyee nite a kulti Edɔm be kepreŋsawule na.

Ditɛronɔmi 2:4

Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Ditɛronɔmi 2:8

Amoso an ka wɔ enite na to na nɛ an ku Isɔɔ be kaman to ebi nɛ b la an kurgepoana na be kasawule n lɛ. An daŋ bɔla ekpa nɛ k dese nde nɛ baa tre Elaf nɛ Eziɔngɛba a yɔ Teku Wuso na ase na nna, nseŋ ya kilgi n sɔ keshishɛrsawule be ekpa nɛ k bee yɔ Mowab be kasawule so na.

Ditɛronɔmi 9:23

Kumo be kaman na, Enyɛnpe Ebɔrɛ na daŋ naŋ kaŋɛ bumo ashi Kadɛsh Bania nna fanɛ b yɔ n ya kɔ n sɔ kasawule nɛ e bee ta a sa bumo na, ama ŋkpal b ka maŋ yirda mo so, b lar mo kaman nna nseŋ kini kewora mbe mbraana kasonu.

Joshuwa 14:6

Kachako nɛ basa ko nɛ b shi Juda be yiri to ba Joshuwa kutɔ ashi Gilgaal. Nɛ Jefune nɛ e la Keniz be esa na pibinyɛn Kalɛb kaŋɛ mo le: “Fo nyi kusɔ nɛ Enyɛnpe Ebɔrɛ kaŋɛ Mosis nɛ e la kebɔrɛnya na, a laŋɛ ma nɛ fo be kaplɛa so ashi Kadɛsh Bania.