Ditɛronɔmi 1:11 - EBƆRƐ BE KAWƆL

¹¹ Enyɛnpe, men nananyɛnana be Ebɔrɛ na e shin nɛ men naŋ wora keshi alegaiso gba n ti so nseŋ shin nɛ kusɔ kama bee nite nɛnɛ a sa menyi fanɛ kananɛ e nase kɔnɔ na!

Ditɛronɔmi 1:11 ပူးပေါင်းရင်းမြစ်များ

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 49:25

Fo tuto be Ebɔrɛ na e naa chɛ fo to. Enyɛnpetale na e naa nɛfa fo, a sa fo bɔrɛchu nɛ nchu nɛ a bee bul kasawule to nɛ asɔbɔya nɛ mbia nɛ kenyipochu damta nɛ mbia na e baa nuu.

2 Samuɛl 24:3

Nɛ Jɔab kaŋɛ ewura na le: “Yiramu, Enyɛnpe fo Ebɔrɛ na e shin nɛ Israɛl be benapo na e wora kishi n ti so fanɛ ntuŋ kalfa a chɔ kananɛ b du naniere, nseŋ teŋi fo ŋkpa malɛ so nɛ fo wu kumo be loŋ. Ama manɛ nna nɛ fee sha fanɛ fo wora le?”

1 Kronikɛls 21:3

Nɛ Jɔab kaŋɛ ewura Deevid le: “Yiramu, hale nɛ Enyɛnpe fo Ebɔrɛ na shin nɛ Israɛl be benapo wora kishi n ti so fanɛ ntuŋ kalfa a chɔ kananɛ b du naniere gba bumo kikɛ kra la fo nyɛrbi nna. Manɛ e ba nɛ fee sha fanɛ fo wora le be kesheŋ nɛ k maŋ shi Ebɔrɛ kutɔ ere n shin nɛ nfɛra lubi ere e ba efuli ere so?”

Nshɛ 115:14

Ma kabɔrɛkule e la fanɛ Enyɛnpe Ebɔrɛ na beeŋ shin nɛ menyi nɛ men be kaman to ebi kikɛ e salga n wora keshi.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ezikɛl 16:7

Kumo be kaman nɛ n ta fo n ya bela fo fanɛ kusɔ duuso popɔrbi na. Ndoŋ nna nɛ fo daŋ nɛnɛ ŋ ki suŋguru n nyalɛ kebita. Nɛ fo anyipo koso n yili fo kagbene to nɛ fo emin daŋ m ba buu fo abatimu so, ama nɛ fo kraa maa dela shɛŋ.

Nɔmbɛs 22:12

Nɛ Enyɛnpe Ebɔrɛ kaŋɛ Balaam le: “Sa maŋ kaŋ tu basa ere n yɔ, fo alɛ maŋ kraa sho Israɛlebi na kɔnɔ, ŋkpal manɛ so ma nɛfa wɔ bumo so nna.”

Nɔmbɛs 6:27

“Ŋkpal manɛ so, b baŋ ta ma ketre ŋ kule nɛfa n sa Israɛlebi na, ma alɛ beeŋ nɛfa bumo.”

Ditɛronɔmi 1:10

Enyɛnpe, menyi be Ebɔrɛ na malɛ naŋ shin nɛ men wora keshi fanɛ achɛkpabi ashi awɔlpa so.

Ditɛronɔmi 1:12

Ama n nawule maaŋ tiŋ n shuŋ demuji be kushuŋ na ashi menyi to.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 10:22

Menyi nananyɛnana nɛ b daŋ yɔ Ijipt be efuli so na daa la basa adushunu nna. Ama naniere Enyɛnpe menyi be Ebɔrɛ na shin nɛ men wora keshi a du fanɛ achɛkpabi nɛ a wɔ awɔlpa to na.

Ditɛronɔmi 28:62

Kananɛ men wora keshi a du fanɛ achɛkpabi ka wɔ awɔlpa so ere, nɛ men kaŋ kini kewora Enyɛnpe menyi be Ebɔrɛ na kasonu, menyi to be basa gbrɛbi e naaŋ ka a wɔ ŋkpa to.