Ditɛronɔmi 1:1 - EBƆRƐ BE KAWƆL

¹ Mosis be mmalga nɛ e daŋ malga n sa Israɛl be basa jemanɛ nɛ b daa wɔ keshishɛrsawule so ashi lɔr nɛ baa tre Jɔɔdan na be epeŋilarkpa be kaba so na e wɔ kawɔl ere to na. B daa wɔ Jɔɔdan be ketaŋɛ nɛ k mata kade nɛ baa tre Suuf nɛ k dese kade nɛ baa tre Paran na nɛ nde nɛ baa tre Tofɛl nɛ Laban nɛ Hazerɔf nɛ Dizahab na be kefɛato nna.

Ditɛronɔmi 1:1 ပူးပေါင်းရင်းမြစ်များ

Jɛnesis 21:21

Kiyi na to nɛ e daa wɔ nɛ mo nio ya fin eche ashi Ijipt be efuli so m bar mo.

1 Bewura 11:18

B daŋ yili Midian nna n yɔ Paran nɛ basa ko ya ti bumo so, nɛ b yɔ Ijipt be ewura kutɔ nɛ ewura na sa Hadad kasawule nɛ laŋ nɛ ajibi.

Habakuk 3:3

Fo e la Ebɔrɛ cheembi nɛ fo shi kadegboŋ nɛ baa tre Tɛman ashi Edɔm be keshishɛrsawule so nɛ kebee nɛ baa tre Paran na so a ba na. Fo kela nɛ kemaŋkura parga to m buu esoso kikɛ so nna, nɛ fo kapandi malɛ sɔ kasawule so be kaplɛkama.

Nɔmbɛs 10:12

nɛ Israɛlebi na malɛ gba lar Sainai be keshishɛrsawule na so nseŋ pɛ ekpa m bɛ kuwɔlpa na so hale nɛ k ya yili Paran be keshishɛrsawule so.

Nɔmbɛs 11:35

Kumo be kaman nɛ Israɛlebi na koso ndoŋ n ya wora bumo be keeyi to kakpa nɛ baa tre Hazerɔf na.

Nɔmbɛs 12:16

Hazerɔf, n ya wora bumo be keeyi to ashi Paran be keshishɛrsawule so.

Nɔmbɛs 13:26

n yɔ Mosis nɛ Ɛɛrɔn nɛ Israɛlebi na kikɛ kutɔ ashi Kadɛsh nɛ k wɔ keshishɛrsawule nɛ baa tre Paran na n ya kaŋɛ bumo kusɔ nɛ b ya wu ndoŋ nseŋ ta ndoŋ be asɔrso na ŋ ŋini bumo.

Nɔmbɛs 13:3

Ndoŋ nna nɛ Mosis nu kusɔ nɛ Enyɛnpe Ebɔrɛ kaŋɛ mo ashi Paran be keshishɛrsawule so na nseŋ shuŋi le be bejuŋkparpo ere:

Nɔmbɛs 32:19

Anyi alɛ maaŋ tu bumo m barga kasawule nɛ k wɔ Jɔɔdan be lɔr na be kaba ndoŋ na to ŋkpal manɛ so, anyi ere tiŋ n nya anyi be kachige ashi Jɔɔdan be lɔr na be epeŋilarkpa be kaba so nfe.”

Nɔmbɛs 32:32

Anyeeŋ bɛ mbe kamalga so nseŋ dii n yɔ Keenan be kasawule so n ya kɔ n sa Enyɛnpe Ebɔrɛ, ama kasawule nɛ k wɔ Jɔɔdan be lɔr na be epeŋilarkpa be kaba so na e naaŋ baa la anyi be kapetɛ.”

Nɔmbɛs 32:5

Amoso jande ta kasawule ere n sa anyi nɛ k ki anyi be kapetɛ, saŋɛ na so, anyi ere maaŋ naŋ dii n yɔ Jɔɔdan be lɔr na be kaba ndoŋ n ya chena.”

Nɔmbɛs 34:15

ashi Jɔɔdan be lɔr nɛ Jɛriko wɔ kumo be kaba ndoŋ na be epeŋilarkpa na be kaba so.”

Nɔmbɛs 35:14

asa e baa wɔ Jɔɔdan be lɔr na be epeŋilarkpa be kaba so nɛ asa malɛ e baa wɔ Keenan be kasawule so.

Ditɛronɔmi 2:8

Amoso an ka wɔ enite na to na nɛ an ku Isɔɔ be kaman to ebi nɛ b la an kurgepoana na be kasawule n lɛ. An daŋ bɔla ekpa nɛ k dese nde nɛ baa tre Elaf nɛ Eziɔngɛba a yɔ Teku Wuso na ase na nna, nseŋ ya kilgi n sɔ keshishɛrsawule be ekpa nɛ k bee yɔ Mowab be kasawule so na.

Ditɛronɔmi 27:1

Ndoŋ nna nɛ Mosis nɛ Israɛl be bejuŋkparpoana na kikɛ ba yili Israɛl be basa be anishito nɛ e kaŋɛ bumo le: “Men baa wora mbraana nɛ mee ta a sa menyi kabre ere kikɛ kasonu.

Ditɛronɔmi 29:1

Kananɛ Enyɛnpe Ebɔrɛ na nɛ Israɛlebi na be kɔnɔkoŋwule be ŋkre, nɛ e kaŋɛ Mosis kenishipere so ashi Mowab be kasawule so na, bee nite nde. Le be ŋkre ere gba ti amo nɛ bumo nɛ Enyɛnpe Ebɔrɛ na daŋ kre ashi kebeegboŋ nɛ baa tre Sainai na ase na so nna.

Ditɛronɔmi 31:1

Ade be kaman nɛ Mosis naŋ kaŋɛ Israɛlebi na le:

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Joshuwa 9:1

Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.

Joshuwa 9:10

nɛ kusɔ nɛ e wora Amɔriebi be bewura anyɔ na ashi Jɔɔdan be lɔr na be epeŋilarkpa be kaba so na be asheŋ. Bewura na e la ewura Sihɔn nɛ e chena Hishbɔn n ji kuwura na nɛ ewura Ɔg nɛ e la Bashan be ewura nseŋ chena Ashterɔf na.

1 Samuɛl 25:1

Samuɛl ka wu nɛ Israɛlebi na kikɛ ba abar so m ba shu mbe keeli, nseŋ ta mo n ya puli mbe kade to ashi Raama. Ade kikɛ be kaman nɛ Deevid yɔ Paran be kiyi to.