Demujipoana 9:7 - EBƆRƐ BE KAWƆL

⁷ Jotam ka nu kumo be asheŋ nɛ e dii n yɔ kebee nɛ baa tre Gɛrizim na be awɔlto nseŋ ponte awɔrso ŋ kaŋɛ le: “Shɛkɛmebi, men nu n sa ma, saŋɛ na so nɛ Ebɔrɛ e nu n sa menyi!”

Demujipoana 9:7 ပူးပေါင်းရင်းမြစ်များ

Jɛnesis 37:6

Le nɛ e daŋ kaŋɛ bumo: “Men nu edare mo nɛ ŋ ku ere.

Aŋasa 21:13

Fo baŋ kini kenu etirpo be kushu, fo alɛ gba beeŋ shu nɛ basa maaŋ tuge fo.

Aŋasa 28:9

Ebɔrɛ maa nu esa nɛ e maa bɛ mbra so be kabɔrɛkule.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Baru lela nɛ Jɔn kute na 4:20

Kebee ere so nɛ an nanaana daa bunyaŋ Ebɔrɛ, ama menyi ere Juwebi kaŋɛ fanɛ kakpa nɛ k daga an ka bunyaŋ Ebɔrɛ e la Jerusalɛm.”

Ditɛronɔmi 11:29

Enyɛnpe menyi be Ebɔrɛ na kaŋ chɛ menyi to nɛ men sɔ kasawule na n chena so, a daga fanɛ men shɛr kebeegboŋ nɛ baa tre Gɛrizim na so m moli Enyɛnpe Ebɔrɛ na be enɛfa na kumo so nseŋ naŋ shɛr kebeegboŋ nɛ baa tre Ebal na so m moli mbe eshoduu na malɛ kumo so.

Ditɛronɔmi 11:30

Abeegboŋ anyɔ ere wɔ Keenanebi nɛ b tase ketaŋɛ nɛ baa tre Jɔɔdan be Ketaŋɛ na to na be kaba nɛ k dese Jɔɔdan be lɔr na be epeŋitɔrkpa be kaba so na nna. Abeegboŋana ere mata ekpa nɛ k dese n taga to kakpa nɛ baa tre Moriya be ndibi cheembi nɛ a wɔ kade nɛ baa tre Gilgaal na be kaba ndoŋ nna.

Ditɛronɔmi 27:12

Men kaŋ dii Jɔɔdan be lɔr na n loge, Simɔn nɛ Livai nɛ Juda nɛ Issaka nɛ Efreim nɛ Manase nɛ Bɛnjamin be eyiri to be basa e naŋ yili kebee nɛ baa tre Gɛrizim na so ŋ kaŋɛ Israɛlebi kikɛ enɛfa nɛ a wɔtɔ be asheŋ,

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Joshuwa 8:33

Israɛlebi na kikɛ nɛ bumo be bejuŋkparpo nɛ benimuana nɛ demujipoana nɛ befɔ nɛ bumo nɛ bumo wɔtɔ na barga to nna n yili Enyɛnpe Ebɔrɛ be ŋkre be deka na be mba anyɔ so ashi bɔrɛmatapoana nɛ baa sulɔ kumo na be anishito. Basa na be bargato daŋ pal kaman nna n sa kebeegboŋ nɛ baa tre Gɛrizim na nɛ bargato malɛ pal kaman n sa kebeegboŋ nɛ baa tre Ebal na. Enyɛnpe Ebɔrɛ be kayɛrbi Mosis e daŋ kaŋɛ bumo fanɛ b baa wora loŋ saŋkama nɛ b ba nɛ b ba sɔ nɛfa.

Demujipoana 9:6

Kumo be kaman nɛ Shɛkɛm be benimu nɛ bɔrɛmatapoana nɛ benapo nimusoana na kikɛ shɛr kedibi gboŋgboŋi nɛ k yil m mata kefalta cheembi nɛ k wɔ Shɛkɛm na be kifito nɛ b buu Abimelɛk kuwura.

Demujipoana 9:8

Kachako nɛ ndibi kikɛ ba abar so nɛ b ba lara bumo be ewura. Ndoŋ nna nɛ b kaŋɛ kakuluwudibi fanɛ e ki bumo be ewura.