Demujipoana 9:57 - EBƆRƐ BE KAWƆL

⁵⁷ Ebɔrɛ daŋ naŋ shin nɛ Shɛkɛmebi na gba nya bumo be alubi be kakɔka fanɛ kananɛ Gidiɔn pibinyɛn, Jotam, daŋ melgi bumo na nna, ŋkpal b ka daŋ chɛ Abimelɛk to so so.

Demujipoana 9:57 ပူးပေါင်းရင်းမြစ်များ

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

1 Bewura 16:34

Jemanɛ nɛ Ahab daa ji kuwura na, nɛ Heil nɛ e shi Bɛtɛl na lɔŋɛ m pɔr Jɛriko be kade na. Saŋɛ so nɛ Heil daa pɔr kade na be egbal na be gbaltɔlase, nɛ mbe wurkoŋnyɛn Abiram wu. E ka pɔr kumo be mbunagboŋ a loge na malɛ nɛ mbe kowurnyɛn Segɔb malɛ wu. Le be kesheŋ ere daŋ wora nna nɛ kusɔ nɛ Enyɛnpe Ebɔrɛ daŋ bɔla Nun pibi Joshuwa so ŋ kaŋɛ dra dra na e bɔlɔ so.

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.

Nshɛ 94:23

Ebɔrɛ beeŋ gberge kumukpakpasowuraana kusoe nseŋ mur bumo ŋkpal bumo be asheŋ lubi so. Enyɛnpe anyi be Ebɔrɛ na e naŋ mur bumo.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Joshuwa 6:26

Loŋ be jemanɛ na nɛ Joshuwa daŋ fiɛ basa na so ŋ kaŋɛ le: “Enyɛnpe Ebɔrɛ e sho ekama nɛ e beeŋ naŋ laŋɛ n ya pɔr Jɛriko be kade ere kɔnɔ. Ekama malɛ nɛ e beeŋ naŋ ya fara a pɔr kumo be gbaltɔlase beeŋ paŋ mbe wurkoŋnyɛn. Ekama malɛ nɛ e beeŋ lɔŋɛ kumo be mbunagboŋana na m pɔr beeŋ paŋ mbe kaluge.”

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.

Demujipoana 10:1

Abimelɛk ka wu be kaman, kanyɛn ko nɛ baa tre mo Tola, nɛ e la Puwa pibinyɛn nɛ mo nananyɛn daa la Dodo na, e ba sɔ so nɛ e mɔlga Israɛl be efuli na ashi bumo doŋana be enɔ to. Issaka be kabuna nɛ e shi, ama e daŋ chena Shamir nɛ k wɔ Efrayim be kepreŋ be efuli so na nna.

Demujipoana 9:20

Ama nɛ fanɛ kusɔ nɛ men wora Gidiɔn nɛ mbe kanaŋ ere maŋ daga, kumo ere edɛ e shi Abimelɛk kutɔ m ba chɔɔ menyi, Shɛkɛm be benimu nɛ bɔrɛmatapoana nɛ benapo nimusoana na m mur. Kumo be kaman nɛ edɛ e shi menyi alɛ gba kutɔ n chɔɔ Abimelɛk m mur!”

Demujipoana 9:24

Ebɔrɛ malɛ wora loŋ nna nɛ Shɛkɛmebi nɛ b leŋ Abimelɛk to nɛ e mɔ Gidiɔn be bibinyɛn adushunu na e nya bumo be kulubi be kusoegberge.

Demujipoana 9:45

Kachɛ lelemu na kikɛ nɛ Abimelɛk nɛ mbe benapo ta ŋ kɔ kade na ebi hale n ya pɔɔ bumo so. E daŋ mɔ basa nseŋ bure kade na kikɛ nna. Kumo be kaman nɛ e chulgi nfɔl n wurge kade na to kikɛ nɛ kasawule na e ki kasawule wuso a dese.

Demujipoana 9:56

Kananɛ Ebɔrɛ daŋ ka Abimelɛk be kulubi nɛ e daŋ wora ŋ gbiti mo tuto jemanɛ nɛ e daŋ mɔ mo daana adushunu na nna na.