Demujipoana 9:54 - EBƆRƐ BE KAWƆL

⁵⁴ Ndoŋ nna nɛ Abimelɛk tre kabrantiɛfɔlbi nɛ e bee keta mbe akɔsɔ na ŋ kaŋɛ mo le: “Pee fo tokobi m mɔ ma nɛ b sa maŋ kaŋ kaŋɛ fanɛ eche e mɔ ma.” Nɛ mbe kayɛrbi na pee tokobi n da mo m mɔ.

Demujipoana 9:54 ပူးပေါင်းရင်းမြစ်များ

2 Samuɛl 1:10

Nɛ n yɔ n ya mɔ mo, ŋkpal manɛ so, m baa nyi geeŋ fanɛ kananɛ e doro na so e beeŋ wu. Kumo be kaman nɛ n lara kuwurwuro na mbe kumu so nɛ mbe enɔ to be kepinibi nɛ m ba sa fo, n nyɛnpe!

2 Samuɛl 1:7

Nɛ e gbɛ ŋ keni n wu ma, nseŋ tre ma nɛ n shuliso,

2 Samuɛl 1:9

Ndoŋ nna nɛ e kaŋɛ ma le: “Ba m ba mɔ ma, ŋkpal manɛ so, n doro ga; ma alɛ bee wu nna na.”

1 Kronikɛls 10:4

Nɛ Sɔɔl kaŋɛ enapo nɛ e bee sulɔ mbe akɔsɔ na le: “Pee fo tokobi m mɔ ma! M maa sha Filistiebi, nnyamase ere ka wora ma eyurto nseŋ mɔ ma.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.

1 Kronikɛls 10:5

Enapo nɛ e bee sulɔ Sɔɔl be akɔsɔ na ka wu fanɛ Sɔɔl wu na, nɛ mo alɛ gba wora kananɛ Sɔɔl wora na gbagba m mɔ mbe kumu.

Demujipoana 4:9

Nɛ Dɛbora kaŋɛ mo: “To, meeŋ tu fo n yɔ, ama fo maaŋ nya kekɔmpɔɔso na be bunyaŋ. Ŋkpal manɛ so, eche nɛ Enyɛnpe Ebɔrɛ na beeŋ bɔla so m pɔɔ Sisɛra so.” Ndoŋ nna nɛ Dɛbora nɛ Barak kikɛ pɛ ekpa a yɔ Kedɛsh.

Demujipoana 9:55

Israɛlebi na ka wu fanɛ Abimelɛk wu naniere bre nɛ b yɔ bumo peana.

1 Samuɛl 14:12

Kumo be kaman nɛ Filistiebi ponte ŋ kaŋɛ Jonatan nɛ kabrantiɛbia na le: “Men dii a ba nfe nɛ an ŋini menyi fanɛ durnya ere wɔ anyɔ!” Nɛ Jonatan kaŋɛ kabrantiɛbia na le: “Bɛ ma so, Enyɛnpe Ebɔrɛ na beeŋ shin nɛ an kɔ m pɔɔ so.”

1 Samuɛl 14:13

Jonatan daŋ gbeye mbe enɔana nɛ mbe amuli so nna n yɔ kebee na be esoso nɛ kabrantiɛbia na malɛ bɛ mo so. B ka dii n yɔ kebee na be esoso na, nɛ Jonatan mɔ Filistiebi be benapo nɛ b wɔ anishito a kɔ mo na, nɛ kabrantiɛbia na malɛ mɔ bumo nɛ b wɔ kaman a kɔ mo na.

1 Samuɛl 14:14

Pɔɛŋ nɛ Jonatan nɛ kabrantiɛbia nɛ e bee sulɔ mbe akɔsɔ na nite fanɛ ateŋgreŋ kalfa nɛ b teŋ mɔ Filistiebi na be benapo adunyɔ ashi sososo be kena nɛ b kɔ na to.

1 Samuɛl 14:17

Ndoŋ nna nɛ Sɔɔl kaŋɛ mbe benapo na le: “Men karga benapo na ŋ keni bumo e maŋ wɔtɔ!” B ka karga bumo nɛ b wu fanɛ Jonatan nɛ kabrantiɛbia nɛ e bee sulɔ mbe akɔsɔ na e maŋ wɔtɔ.

1 Samuɛl 14:7

Nɛ kabrantiɛbia na kaŋɛ le: “Wora kusɔ kama nɛ fee sha. M bɛ fo so nɛ ma kagbene kikɛ.”

1 Samuɛl 16:21

Ndoŋ nna nɛ Deevid yɔ Sɔɔl kutɔ n ya kaa shuŋ mo. Sɔɔl daa sha mbe asheŋ ga hale n lara mo fanɛ e baa sulɔ mbe kena to be akɔsɔ.

1 Samuɛl 31:6

Kananɛ Sɔɔl nɛ mbe mbinyɛnsobi asa na nɛ enapo nɛ e bee keta mbe akɔsɔ na daŋ wu nna na. Kachɛ koŋwule nɛ Sɔɔl nɛ mbe benapo kikɛ daŋ wu.