Demujipoana 9:24 - EBƆRƐ BE KAWƆL

²⁴ Ebɔrɛ malɛ wora loŋ nna nɛ Shɛkɛmebi nɛ b leŋ Abimelɛk to nɛ e mɔ Gidiɔn be bibinyɛn adushunu na e nya bumo be kulubi be kusoegberge.

Demujipoana 9:24 ပူးပေါင်းရင်းမြစ်များ

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

1 Bewura 2:33

Jɔab nɛ mbe kaman to ebi beeŋ nya kasogberge mbaanaayɔ ŋkpal kusɔ nɛ e wora ere so. Ama ewura Deevid nɛ mbe kaman to ebi bre, Enyɛnpe Ebɔrɛ beeŋ shin nɛ b baa ji kuwura kayurwushiso.”

Ɛsta 9:25

Nɛ Ɛsta yɔ ewura kutɔ nɛ ewura na shin nɛ b sibɛ mbra nɛ k shin nɛ kusɔ nɛ Heman kre fanɛ e beeŋ wora Juwebi na laŋɛ n ji mo. Nɛ b chɛ mo nɛ mbe mbinyɛnsobi kikɛ efɔl n shiga ndibi nɛ b yuu na so.

Nshɛ 7:16

Bumo gbagba be alubi beeŋ laŋɛ n deŋi bumo be amu so, nɛ kananɛ baa tintiŋ basa a shin nɛ baa wora asheŋ na e laŋɛ bumo so.

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.

Nɔmbɛs 35:33

Nɛ men baŋ wora loŋ, kumo ere menyeeŋ jija kasawule nɛ men chena so ere. Ŋkpal manɛ so ŋklaŋ be kewurge bee jija kasawule nna. Esa nɛ e shin nɛ ŋklaŋ wurge malɛ be ŋklaŋ e naaŋ tiŋ n shin nɛ kasawule nɛ kejija e naŋ nyalɛ.

Ditɛronɔmi 27:25

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ sɔ brɔbu nseŋ mɔ esa nɛ e maŋ wora shɛŋ na so.” Nɛ basa nɛ b yil Ebal be kebee so na e kaŋɛ: ‘Amɛn!’

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.

Demujipoana 9:25

Nɛ Shɛkɛmebi na kpal loŋ so n shin nɛ basa ya ŋana abee so a jo bekama nɛ baaŋ bɔla ndoŋ n choŋ nɛ b suge bumo be asɔ. Ndoŋ nna nɛ b ya kute kumo be loŋ n sa Abimelɛk.

1 Samuɛl 15:33

Ndoŋ nna nɛ Samuɛl kaŋɛ Agag le: “Fo e naa suge mbiwurbi bumo nioana kutɔ a mɔ nɛ baa paŋ mbia na. Fo nio gba beeŋ paŋ ebi naniere kikɛ.” Ndoŋ nna nɛ Samuɛl mɔ Agag nseŋ ŋele mo to fanɛ mblaŋkul bɔrɛsure na ase ashi Gilgaal.