Demujipoana 9:15 - EBƆRƐ BE KAWƆL

¹⁵ Ndoŋ nna nɛ ewidibi kaŋɛ ndibi na le: “Nɛ menyee sha ŋ ka ki menyi be ewura kumo ere men kikɛ e baa kaa ŋana ma kiyoyul to. Nɛ menyi maaŋ wora loŋ, kumo ere edɛ beeŋ shi ma ayabi to m ba chɔɔ Lebanɔn be ndibi nɛ baa tre sida na m mur!”

Demujipoana 9:15 ပူးပေါင်းရင်းမြစ်များ

2 Bewura 14:9

Ndoŋ nna nɛ Jehɔash malɛ ta le be kubɔya ere n sa Amaziya. E yɛ: “Kachako nɛ Lebanɔn be abee so be ewidibi fimbi ko ta kubɔya n sa kedibi tenteŋ gboŋgboŋi ko nɛ baa tre Sida na fanɛ k ta kumo pibiche n sa mo pibinyɛn nɛ e kil. Ndoŋ nna nɛ kupuŋ to be kusɔbɔya ko ba fefɛa ewidibi na to n lɛ.

Nshɛ 104:16

An Nyɛnpe Ebɔrɛ, fo ndibi bee nya nchu nna jemanɛ kikɛ, aloŋ nɛ ndibigboŋ nɛ baa tre sida nɛ fo duu Lebanɔn be efuli so na gba bee nya nchu.

Nshɛ 29:5

Enyɛnpe Ebɔrɛ be kamalga bee buri ndibi nɛ baa tre sida na to nna. K bee buri sida be ndibi nɛ a wɔ Lebanɔn be kebeegboŋ na so burburbi nna.

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 2:13

Lebanɔn be efuli so be ndibi tenteŋ ga nɛ baa tre Sida na beeŋ mur. Aloŋ nɛ ndibi gboŋgboŋi nɛ a wɔ Bashan be efuli so gba beeŋ mur.

Aizaaya 30:2

Ade be kaman, baa yɔ Ijipt be efuli so nna n ya kaa fin kechɛto a maa bishi ma shɛŋ. Baa sha fanɛ Ijipt e baa kuŋ bumo nna, amoso b ta bumo be yirda nna n wɔtɔ Ijipt be ewura to.

Aizaaya 37:24

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebee be awɔlto n ya kɔ m pɔɔ so ashi ma Enyɛnpe Ebɔrɛ na be anishito. Men daa puchi fanɛ men daŋ tiŋ ŋ ku sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Ezikɛl 19:14

Ndoŋ nna nɛ kumo be keyabi gboŋgboŋi ko pɛ edɛ; nɛ edɛ na bɛ kumo so n chɔɔ kumo be ayabi nɛ asɔrso kikɛ. Keyabi lempo kikɛ daŋ maŋ naŋ ka kumo so nɛ b ku n wora kuwurkpabi. Kashɛ ere la kagbenejija be kashɛ nna n daga kebaaboŋ kagbenejijaso.”

Ezikɛl 31:3

Fo du fanɛ Lebanɔn be efuli so be kedibi nɛ baa tre sida; Nɛ k kɔ ayabi lela nɛ kiyoyul ga, nsaa wɔ nteŋ a sha kechute awɔlpa na nna.

Danɛl 4:12

Kumo be afantaŋ daa walɛ nna ga, nɛ k kɔ asɔrso damta nɛ durnya ere to be kepɔrso kikɛ beeŋ tiŋ n ji amo ŋ kukwe. Kupuŋ to be asɔbɔya bee dese kumo be kayul to nna a wushi nɛ mbuibi malɛ bee tɔ asha kumo be ayabi so nɛ kepɔrso kikɛ malɛ bee ji kumo be asɔrso.

Hoziya 14:7

Menyeeŋ luri ma kayul to n nya kekuŋ. Menyeeŋ purge afantaŋ nseŋ sɔr asɔrso fanɛ ndibi sɔrso na. Menyi alɛ be ketre beeŋ dii fanɛ Lebanɔn be nsa.

Nɔmbɛs 21:28

Sihɔn be benapo daa kɔ kena nna fanɛ edɛ ka bee chɔɔ a ba na. B daŋ mur Mowab be kade nɛ baa tre Ar na nna nseŋ jija bumo be abee ase be nsawule nɛ a wɔ Aanɔn be lɔrkar na kikɛ cheche.

Matiu 13:32

Nɛ k bee daŋ a ki keeyagboŋ a chɔ keeya kama na nna nɛ mbuibi ba kaa tɔ amo be asha a wɔtɔ kumo be ayabi to.”

Demujipoana 9:14

Kumo be lalaloge nɛ ndibi na kaŋɛ ewidibi: “Ba ki anyi be ewura.”

Demujipoana 9:16

Kumo be kaman nɛ Jotam naŋ kaŋɛ: “To, kashenteŋ nɛ kagbene koŋwule so nɛ menyee ta Abimelɛk a ki menyi be ewura ere a? Men keni kusɔ nɛ Gidiɔn wora n sa menyi na nna m bɔlɔ kenishi nseŋ wora kusɔ nɛ k daga n sa mbe kanaŋ ere a?

Demujipoana 9:20

Ama nɛ fanɛ kusɔ nɛ men wora Gidiɔn nɛ mbe kanaŋ ere maŋ daga, kumo ere edɛ e shi Abimelɛk kutɔ m ba chɔɔ menyi, Shɛkɛm be benimu nɛ bɔrɛmatapoana nɛ benapo nimusoana na m mur. Kumo be kaman nɛ edɛ e shi menyi alɛ gba kutɔ n chɔɔ Abimelɛk m mur!”

Demujipoana 9:44

Nɛ Abimelɛk nɛ katuŋ nɛ k wɔ mo kutɔ na nya manaŋ n ya kuŋ kade na be kabuna nɛ ntuŋ anyɔ nɛ a ka na malɛ ya tu basa na ashi bumo be ndɔana to m mɔ bumo kikɛ.

Demujipoana 9:49

Nɛ benapo na kikɛ ku ndibi be ayabi n deŋi bumo be abatimu so m bɛ Abimelɛk so. Kumo be kaman nɛ b ta amo n ya deŋi abar so ŋ kulti kakpa nɛ basa na shile n ya ŋana na nseŋ nya edɛ n wɔtɔ amo to. Nɛ Shɛkɛmebi nɛ b daa wɔ ndoŋ na kikɛ wu. Benyɛn nɛ beche kikɛ daŋ fo fanɛ basa kagboŋ a wɔ ndoŋ.