Demujipoana 8:6 - EBƆRƐ BE KAWƆL

⁶ Ama le nɛ Sukɔf be kade be benimu na kaŋɛ: “Manɛ so nɛ anyeeŋ sa fo benapo ajibi? Menyi maŋ naŋ nya Zeba nɛ Zalmuna m pɛ.”

Demujipoana 8:6 ပူးပေါင်းရင်းမြစ်များ

Jɛnesis 25:13

Ishmaɛl be bibinyɛn be atre nɛ kananɛ b daŋ bɛ abar so kenimuso nde. Nabaiɔt e daa la Ishmaɛl be wurkoŋnyɛn n ta Keedaa m bɛ so. Bumo nɛ b daŋ naŋ ti so e daa la Adbeel nɛ Mibsam nɛ

Jɛnesis 37:25

Kumo be kaman nɛ b ya chena nɛ b ji ajibi nseŋ wu Ishmaɛlebi be eyawujipoana ko ka shi Giliad a yɔ Ijipt. Eyawujipoana na be enyɔma daŋ sulɔ tulale nɛ duwu nɛ asɔ warabi damta nna.

Jɛnesis 37:28

Amoso Ishmaɛlebi be eyawujipoana na ka ba fo kakpa nɛ Josɛf mo daana na wɔ na nɛ b lara Josɛf ketirbu na to n fa mo egbiti be ndarbi adunyɔ n sa Ishmaɛlebi na nɛ b ta mo n yɔ Ijipt be efuli so. Kumo be saŋɛ so nɛ Ruben bre maŋ wɔ bumo kutɔ.

1 Bewura 20:11

Ndoŋ nna nɛ ewura Ahab kaŋɛ le: “Men ya kaŋɛ ewura Bɛnhadad fanɛ enapo kashenteŋ bre bee ji njɔŋ saŋɛ so nɛ b kɔ kena n loge nna, mannɛ saŋɛ nɛ b kraa yɔ kena to.”

2 Bewura 14:9

Ndoŋ nna nɛ Jehɔash malɛ ta le be kubɔya ere n sa Amaziya. E yɛ: “Kachako nɛ Lebanɔn be abee so be ewidibi fimbi ko ta kubɔya n sa kedibi tenteŋ gboŋgboŋi ko nɛ baa tre Sida na fanɛ k ta kumo pibiche n sa mo pibinyɛn nɛ e kil. Ndoŋ nna nɛ kupuŋ to be kusɔbɔya ko ba fefɛa ewidibi na to n lɛ.

Aŋasa 18:23

Etirpo bee kule nna pɔɛŋ nsaa nya kechɛto; ama damawura bre bee malga kanaŋkama nna.

Filipaiebi 2:21

Bumo nɛ b ka na kikɛ be ekama wɔtɔ nna a de mo gbagba nawule be asheŋ so, ekama maŋ de Kristo be asheŋ so.

Demujipoana 5:23

Nɛ Enyɛnpe Ebɔrɛ be malaika kaŋɛ: “Sho kade nɛ baa tre Mɛrɔz kɔnɔ! Ŋkpal manɛ so, kumo be basa kini kechɛto ŋ kɔ Enyɛnpe Ebɔrɛ na mo doŋ kpakpasoana kena.”

Demujipoana 8:15

Ndoŋ nna nɛ Gidiɔn yɔ Sukɔf be benimu na kutɔ n ya kaŋɛ bumo le: “Zeba nɛ Zalmuna na nde. Men nyiŋi men ka kpal bumo so n wora ma eyurto m bishi ma, ‘Fo teŋ nya Zeba nɛ Zalmuna m bɔɔ enɔ a? Nɛ manɛ so nɛ anyeeŋ sa fo benapo nɛ b gben a chɛl na ajibi?’ ”

Demujipoana 8:5

B ka ta n ya fo kade nɛ baa tre Sukɔf na, nɛ Gidiɔn kaŋɛ ndoŋebi le: “Men jande, men sa ma benapo ere ajibi ŋkpal manɛ so, b gben nsaa chɛl nna na; ama anyi alɛ kraa ju Zeba nɛ Zalmuna nɛ b la Midian be bewura na nna.”