Demujipoana 8:34 - EBƆRƐ BE KAWƆL

³⁴ nseŋ kini kenaŋshuŋ Enyɛnpe bumo be Ebɔrɛ nɛ e mɔlga bumo ashi bumo doŋana nɛ b kulti bumo na be enɔ to na.

Demujipoana 8:34 ပူးပေါင်းရင်းမြစ်များ

Nshɛ 106:18

Kumo be kaman nɛ edɛ suse n chɔɔ kumukpakpasowuraana nɛ b daa bɛ bumo so na kikɛ m mur.

Nshɛ 106:21

B daŋ teŋ Ebɔrɛ nɛ e daŋ wora asheŋgboŋ ashi Ijipt be efuli so m mɔlga bumo na so nna.

Nshɛ 78:11

B daŋ teŋ kusɔ e wora so nna, emamachisheŋ nɛ b daŋ wu e ka wora na kikɛ nɛ b daŋ teŋ so.

Nshɛ 78:42

B daa maa nyiŋi mbe eleŋ nɛ e kɔ, bumo alɛ daa maa nyiŋi kachɛ nɛ e mɔlga bumo ashi bumo doŋana be enɔ to na gba.

Kaŋinichiŋgeliŋ 12:1

Amoso baa nyiŋi fo etopo jemanɛ nɛ fo kraa la kebifɔlbi ere, pɔɛŋ nɛ asheŋ e baa wora fo so keshi ashi nfɛ nɛ a wɔ fo anishito ere to nɛ fo kaŋɛ le: “Kebaawɔtɔ maŋ naa wora ma ebel.”

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 23:27

Baa fɛ nna fanɛ edareana nɛ baa kute na beeŋ shin nɛ ma basa e teŋ ma so, fanɛ kananɛ bumo nananyɛnana daŋ kini ma nseŋ ya kaa shuŋ kegbir nɛ baa tre Baal na.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Demujipoana 3:7

Israɛlebi na daŋ teŋ Enyɛnpe bumo be Ebɔrɛ na so nna nseŋ wora alubi n da mo so, nsaa shuŋ kegbir nɛ baa tre Baal nɛ kegbirche nɛ baa tre Ashira na.