Demujipoana 8:30 - EBƆRƐ BE KAWƆL

³⁰ E daa kɔ beche damta nɛ mbia adushunu nna.

Demujipoana 8:30 ပူးပေါင်းရင်းမြစ်များ

Jɛnesis 2:24

Amoso nɛ enyɛn baŋ ta eche, a daga fanɛ e yige mo tuto nɛ mo nio nseŋ ya far n chɛ mbe eche nɛ b ki eyur koŋwule.

Jɛnesis 46:26

Jeekɔb be basa gbagba nɛ b daŋ yɔ Ijipt daa wɔ basa adeshe nɛ ashe, mbe mbia be beche daa maŋ ti so.

Jɛnesis 7:7

Ama Nowa bre nɛ mbe eche nɛ mbe bibinyɛn nɛ bumo be beche daŋ luri kuloŋgboŋ na to nna nɛ nchu na maŋ mur bumo.

1 Bewura 11:3

E daŋ ta bewura be mbichebi alfa ashunu a kil nsaa kɔ bejipo malɛ alfa asa. Bumo e daŋ shin nɛ e kini Ebɔrɛ.

2 Bewura 10:1

Ewura Ahab be kaman to ebi be basa adushunu e daa wɔ Samɛria be kade to. Ndoŋ nna nɛ Jehu sibɛ kawɔl n sa kade na be ekrachi nɛ benimuana nɛ Ahab be kaman to ebi nɛ basa nɛ baa keni Ahab be mbia so. Kananɛ b daŋ sibɛ kawɔl na nde:

Ɛksodɔs 1:5

Saŋɛ nɛ b yɔ Ijipt na nɛ Jeekɔb be kanaŋ to ebi kikɛ daa wɔ basa adushunu. Kumo be saŋɛ so nɛ Josɛf bre tea wɔ Ijipt.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Ditɛronɔmi 17:17

Ewura na maŋ daga fanɛ e baa kɔ beche damta, ŋkpal manɛ so, loŋ beeŋ shin nɛ e lar Enyɛnpe Ebɔrɛ na kaman. Mo alɛ maŋ daga fanɛ e gbare shuwa nɛ gbiti n sa mbe kumu nseŋ dii kedama ga.

Demujipoana 10:4

E daa kɔ mbia adesa nna nɛ bumo be ekama daa dii ekurma nsaa kɔ kade nɛ e bee keni so ashi Giliad be efuli so. Nde adesa nɛ b daa keni so na kikɛ nɛ baa tre Havof Jeya. Kumo be kifito e la Jeya be echenakpaana.

Demujipoana 12:14

E daa kɔ bibinyɛn adena nɛ benanabi adesa nna nɛ bumo be ekama malɛ daa kɔ kurma a dii. Nfɛ aburwa nɛ Abdɔn daŋ juŋkpar Israɛlebi.

Demujipoana 12:9

E daa kɔ bibinyɛn adesa nɛ bibiche adesa nna. E daa maŋ shin nɛ mbe mbia na be ekama kil mbe kabuna be esa kama. E daŋ ya bar mbuna pɔtɛ be beche nna m ba sa mbe mbinyɛnso na nɛ b ta a kil nseŋ shin nɛ mbe mbicheso na malɛ kil mbuna pɔtɛ be benyɛn. Nfɛ ashunu nɛ Ibzan daŋ juŋkpar Israɛlebi.

Demujipoana 8:31

Mo alɛ daa naa kɔ ejipoche nna ashi kade nɛ baa tre Shɛkɛm na nɛ e daŋ kurge ebinyɛn n sa Gidiɔn nɛ e nase mbe ketre Abimelɛk.

Demujipoana 9:1

Gidiɔn pibinyɛn, Abimelɛk daŋ yɔ mo wɔpaana kutɔ ashi kade nɛ baa tre Shɛkɛm na nna n ya kaŋɛ bumo kikɛ le:

Demujipoana 9:18

Ama kabre men kilgi a kɔ n tuto be kanaŋ nseŋ mɔ mbe bibinyɛn adushunu kejembu koŋwule so nseŋ ta mo jipoche pibi, Abimelɛk ŋ ki Shɛkɛm be ewura ŋkpal e ka la menyi kurgepo so.

Demujipoana 9:2

“Men bishi Shɛkɛmebi na n sa ma, fanɛ Gidiɔn be mbia adushunu na kikɛ be keji kuwura menyi so nɛ menyee sha a, ŋko bumo to be ekoŋwule ka ji kuwura menyi so nɛ menyee sha a? Men baa nyiŋi fanɛ ma nɛ menyi kikɛ la eyur nɛ ŋklaŋ koŋwule nna.”

Demujipoana 9:5

Ndoŋ nna nɛ Abimelɛk nɛ mbe benapo na yɔ Ofra nɛ k la mo tuto be kade to n ya pɛ mo tuto be mbinyɛnso adushunu na m mɔ kejembu koŋwule so. Ama Jotam nɛ e daa la Gidiɔn be kaluge na bre daŋ tiŋ ŋ ŋana bumo so nɛ b maŋ nya mo m mɔ.