Demujipoana 8:28 - EBƆRƐ BE KAWƆL

²⁸ Kananɛ Israɛlebi daŋ kɔ m pɔɔ Midianebi so nɛ b maŋ naŋ tiŋ ŋ koso n tu bumo ŋ kɔ kena nna na. Beeŋ wora nfɛ adena nɛ Israɛlebi wɔ kayurwushi be kebaawɔtɔ to hale nɛ Gidiɔn ba wu.

Demujipoana 8:28 ပူးပေါင်းရင်းမြစ်များ

Nshɛ 83:2

Keni, fo doŋana e lar fo kaman nseŋ koso a kɔ fo na.

Aizaaya 10:26

Ma, Enyɛnpetale Ebɔrɛ na gbagba e naaŋ ta ma kuchuchɔ ŋ kuya bumo so, fanɛ kananɛ n daŋ wora Midian be efuli so ebi ashi kefalta nɛ k wɔ kakpa nɛ baa tre Ɔrɛb na. Ma alɛ beeŋ ŋini ma eleŋgboŋ nɛ n daŋ ŋini nseŋ shin nɛ ekpa dese Teku Peper na to ashi Ijipt be efuli so na.

Aizaaya 9:4

Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Demujipoana 3:11

Nfɛ adena nɛ Israɛl be efuli na wɔ kayurwushi to hale n ya fo fanɛ Ofniɛl ka wu.

Demujipoana 3:30

Loŋ be kachɛ na nɛ Israɛlebi na pɔɔ Mowabebi na so nɛ Israɛl be efuli so naŋ nya kayurwushi nfɛ aduburwa.

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.

Demujipoana 8:27

Ndoŋ nna nɛ Gidiɔn ta shuwa na n lɔŋɛ kegbir n yɔ Ofra, nɛ k la mbe kade to na. Nɛ Israɛlebi na kikɛ pal kaman n sa Ebɔrɛ nseŋ yɔ ndoŋ n ya kaa shuŋ kegbir na. Nɛ k ba ki kejigbelɛ n sa Gidiɔn nɛ mbe kanaŋ.

Demujipoana 8:29

Gidiɔn bɛta nna n yɔ mbe kade to n ya kaa wɔ ndoŋ.

1 Samuɛl 7:13

Israɛl be benapo na daŋ pɔɔ Filistiebi na so nna. Samuɛl be jemanɛ so malɛ kikɛ Enyɛnpe Ebɔrɛ daŋ chɛ Israɛlebi na to nna nɛ Filistiebi na maŋ naŋ tiŋ n sɔ bumo be efuli kikɛ.