Demujipoana 8:21 - EBƆRƐ BE KAWƆL

²¹ Ndoŋ nna nɛ Zeba nɛ Zalmuna kaŋɛ Gidiɔn le: “Fo gbagba e ba mɔ anyi, ŋkpal manɛ so, enyɛn bre la enyɛn nna.” Nɛ Gidiɔn mɔ bumo nseŋ lara shuwa be asɔ nɛ b ta n wɔtɔ bumo be ekurma be abɔ to na.

Demujipoana 8:21 ပူးပေါင်းရင်းမြစ်များ

Nshɛ 83:1

O Ebɔrɛ, sa maŋ wora shruum, n lo to a maa wora shɛŋ!

Nshɛ 83:11

Wora bumo be bejuŋkparpo kusɔ nɛ fo daŋ wora Ɔrɛb nɛ Ziib na. Pɔɔ bumo be bewuraana so fanɛ kananɛ fo daŋ pɔɔ Zeba nɛ Zalmuna gba so na.

Nshɛ 83:12

Kusɔ nɛ b daŋ kaŋɛ nde: “Men shin nɛ an sɔ Ebɔrɛ be kasawule na ŋ ki anyi peya.”

Aizaaya 3:18

Kachako bee ba nɛ Enyɛnpe Ebɔrɛ na e suge Jerusalɛm to be beche be abitasɔ nɛ baa wɔtɔ bumo be aya so nɛ amu so nɛ abɔ to nɛ asoe to nɛ mbre so nɛ mmuna to nɛ ashilbi to na, nɛ bumo be asɔbuuso so kikɛ. E beeŋ suge bumo be eshata nɛ ekreso nɛ etulale nɛ a bee shin nɛ bumo be kebita bee gberge benyɛn a sa bumo na. Mo alɛ beeŋ naaŋ suge bumo be nle nɛ baa buu fanɛ bewurche na nɛ bumo be asɔbuuso lela nɛ nwuro nɛ enɔ to be ebagiwurbiana kikɛ.

Joshuwa 10:26

Nɛ Joshuwa mɔ bewura na nseŋ shin nɛ b chɛ bumo kikɛ n shiga ndibi anu so. Ekama nɛ kedibi nɛ b chɛ mo n shiga so, hale n ya fo kaaseso. Ekama nɛ kedibi nɛ b chɛ mo n shiga so.

Kelaraŋŋini 9:6

Amo be jemanɛ na basa beeŋ fin luwu ŋ gben, baaŋ yɛlga luwu, ama luwu beeŋ shile bumo.

Demujipoana 15:12

Nɛ b kaŋɛ mo le: “An ba nna nɛ an ba kre fo nseŋ ta fo n ya sa Filistiebi na.” Nɛ Samsɔn kaŋɛ bumo: “Men bɔ fanɛ men gbagba maaŋ mɔ ma.”

Demujipoana 8:20

Kumo be kaman nɛ e kilgi ŋ kaŋɛ Jeta, nɛ e la mo pibinyɛn nimuso le: “Mɔ bumo!” Ama Jeta daŋ maŋ pee mbe tokobi nɛ e mɔ bumo ŋkpal e ka daa la kebifɔlbi nsaa lɔ kufu so.

Demujipoana 8:22

Ade kikɛ be kaman, nɛ Israɛlebi na kaŋɛ Gidiɔn le: “Fo e mɔlga anyi ashi Midianebi be enɔ to, amoso anyee sha fanɛ fo nɛ fo kaman to ebi kikɛ e baa ji anyi so kuwura nna.”

Demujipoana 8:26

Shuwa be akonde nɛ Gidiɔn daŋ nya na be egbɛ daŋ fo fanɛ kilo adunyɔ. Abitasɔ nɛ abɔtoshembi nɛ asɔbuuso peper kunɔkunɔ nɛ Midian be bewura bee buu na nɛ shuwa be ŋgbɛlɛbi nɛ b ta n wɔtɔ enyɔma be abɔ to na bre kikɛ daa maŋ ti so.

Demujipoana 9:54

Ndoŋ nna nɛ Abimelɛk tre kabrantiɛfɔlbi nɛ e bee keta mbe akɔsɔ na ŋ kaŋɛ mo le: “Pee fo tokobi m mɔ ma nɛ b sa maŋ kaŋ kaŋɛ fanɛ eche e mɔ ma.” Nɛ mbe kayɛrbi na pee tokobi n da mo m mɔ.

1 Samuɛl 31:3

Kena na be kenishipere be kakpa nɛ Sɔɔl daa wɔ, ŋkpal loŋ so, bedoŋ na be atanyembi daŋ da mo nna n doro mo alegaiso.

1 Samuɛl 31:5

Enapo nɛ e bee keta Sɔɔl be akɔsɔ na ka wu fanɛ Sɔɔl wu na, nɛ mo alɛ gba wora kananɛ Sɔɔl wora na gbagba n mɔ mbe kumu.