Demujipoana 7:24 - EBƆRƐ BE KAWƆL

²⁴ Nɛ Gidiɔn shuŋi mbɔ Efrayimebi nɛ b chena kebeesawule so na kutɔ ŋ kaŋɛ: “Men gbelge to m ba kɔ Midianebi na. Men baa kuŋ bumo nɛ b sa maŋ nya n dii Jɔɔdan nɛ mbombi nɛ a wɔ Bɛf Bara na.” Ndoŋ nna nɛ Efrayimebi na lar n ya yili Jɔɔdan be lɔr na ase a kuŋ hale n ya fo Bɛf Bara.

Demujipoana 7:24 ပူးပေါင်းရင်းမြစ်များ

Habakuk 3:7

N wu kufu ka pɛ Kushan be yiri to ebi, nɛ Midia be yiri to be basa malɛ bee chicha.

Baru lela nɛ Jɔn kute na 1:28

Bɛtani nɛ asheŋ ere kikɛ wora ashi Jɔɔdan be lɔr be kaba ndoŋ, kakpa nɛ Jɔn daa bɛr basa kabɔrɛbɛr na.

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Demujipoana 12:5

Giliad be basa na ka maa sha Efrayim be basa na ka nya n shile so, b kɔ n sɔ kakpa nɛ baa bɔla a dii Jɔɔdan be lɔr na nna. Efrayim be esa kama nɛ e bee shile nseŋ ba kule ekpa nɛ e dii lɔr na, Giliad be benyɛn na bee bishi mo le nna: “Efrayim be esa e la fo a?” E baŋ kaŋɛ: “Ayai!”

Demujipoana 8:3

Ŋkpal manɛ so, Ebɔrɛ be eleŋ so nɛ men tiŋ m mɔ Orɛb nɛ Ziib, nɛ b la Midianebi na be bewura anyɔ na. Manɛ nɛ ma alɛ wora nɛ k fo kumo so?” E ka malga le nɛ bumo be ŋgbene wushi bumo.