Demujipoana 7:15 - EBƆRƐ BE KAWƆL

¹⁵ Gidiɔn ka nu edare na nɛ kumo be kifito nɛ e bunyaŋ Ebɔrɛ nseŋ bɛta n yɔ mo braana Israɛlebi na kutɔ n ya kaŋɛ: “Men koso! Enyɛnpe Ebɔrɛ na teŋ shin nɛ an pɔɔ Midianebi na so.”

Demujipoana 7:15 ပူးပေါင်းရင်းမြစ်များ

Jɛnesis 24:48

Kumo be kaman nɛ ŋ gbir m bunyaŋ nseŋ di n nyɛnpe Eebraham be Ebɔrɛ na epaŋ, ŋkpal e ka juŋkpar ma nɛ m ba nya n nyɛnpe Eebraham mo sipo Nahɔɔ mo nanabi nɛ n ya sa mo pibinyɛn na so.

Jɛnesis 40:8

Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Jɛnesis 41:11

anyi benyɔ na kikɛ daŋ ku edareana kanyɛ koŋwule nɛ amo be kekama daa kɔ kumo be kifito.

Demujipoana 3:28

ŋ kaŋɛ: “Men bɛ ma so, ŋkpal manɛ so, Enyɛnpe Ebɔrɛ na teŋ shin nɛ men pɔɔ Mowabebi nɛ b la men doŋana na so.” Nɛ Israɛlebi na bɛ Ehud so n ya kɔ n suge kakpa nɛ Mowabebi na beeŋ bɔla n dii lɔr nɛ baa tre Jɔɔdan na. Israɛlebi na daŋ maŋ shin nɛ esa koŋwule gba nya n dii lɔr na.

Demujipoana 4:14

Ndoŋ nna nɛ Dɛbora kaŋɛ Barak le: “Yɔ! Enyɛnpe Ebɔrɛ na e naa juŋkpar fo! E teŋ pɔɔ Sisɛra so n sa fo kabre.” Ndoŋ nna nɛ Barak juŋkpar nɛ mbe benapo ŋgboŋ kudu na gbelge kebee nɛ baa tre Tabɔɔ na so n yɔ.

Demujipoana 7:11

Feeŋ ya nu asheŋ nɛ baa malga nɛ a sa fo kenyɛn nɛ fo ya kɔ bumo.” Ndoŋ nna nɛ Gidiɔn nɛ Pura pete n yɔ Midianebi na be keeyi na be laŋgar.

Demujipoana 7:14

Nɛ mo barkasa na kaŋɛ: “Fo edare ere bee laŋɛ Gidiɔn be kaplɛa so nna! K bee ŋini fanɛ Ebɔrɛ beeŋ shin nɛ mo nɛ mbe benapo e pɔɔ Midian be benapo nɛ ekama nɛ e wɔ keeyi ere to nfe so.”

Demujipoana 7:16

Ndoŋ nna nɛ e barga basa alfa asa na to ntuŋ asa nseŋ ta mbel nɛ mpuya fuloŋ nɛ b chɔɔ mbulpi n wɔtɔ amo to m bɔɔ ekama enɔ.

Demujipoana 8:7

Ndoŋ nna nɛ Gidiɔn kaŋɛ le: “Ŋkpal kusɔ nɛ men kaŋɛ ere so, nɛ Enyɛnpe Ebɔrɛ na kaŋ shin nɛ an tiŋ m pɔɔ Zeba nɛ Zalmuna so, meeŋ bɛta m ba ku ewi nɛ egɔnnyaŋɛ ŋ kuya menyi so nɛ men be eyurana a marga so.”

1 Samuɛl 1:28

Amoso mee ta mo nna a sa Enyɛnpe Ebɔrɛ nɛ e ba la mo ere Enyɛnpe Ebɔrɛ be kayɛrbi mbe ŋkpa to kikɛ.” Ndoŋ nna nɛ b bunyaŋ Enyɛnpe Ebɔrɛ na.

1 Samuɛl 14:12

Kumo be kaman nɛ Filistiebi ponte ŋ kaŋɛ Jonatan nɛ kabrantiɛbia na le: “Men dii a ba nfe nɛ an ŋini menyi fanɛ durnya ere wɔ anyɔ!” Nɛ Jonatan kaŋɛ kabrantiɛbia na le: “Bɛ ma so, Enyɛnpe Ebɔrɛ na beeŋ shin nɛ an kɔ m pɔɔ so.”