Demujipoana 7:14 - EBƆRƐ BE KAWƆL

¹⁴ Nɛ mo barkasa na kaŋɛ: “Fo edare ere bee laŋɛ Gidiɔn be kaplɛa so nna! K bee ŋini fanɛ Ebɔrɛ beeŋ shin nɛ mo nɛ mbe benapo e pɔɔ Midian be benapo nɛ ekama nɛ e wɔ keeyi ere to nfe so.”

Demujipoana 7:14 ပူးပေါင်းရင်းမြစ်များ

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Nɔmbɛs 22:38

Nɛ Balaam kaŋɛ le: “To m ba nna na! Ama maŋ kɔ eleŋ nɛ ŋ kaŋɛ kusɔ nɛ mee sha. Kusɔ nɛ Ebɔrɛ baŋ kaŋɛ nɛ mee malga.”

Nɔmbɛs 23:20

Ebɔrɛ kaŋɛ ma nna fanɛ m baa nɛfa. M maaŋ tiŋ n chɛrga kusɔ nɛ Ebɔrɛ nɛfa.

Nɔmbɛs 23:5

Nɛ Enyɛnpe Ebɔrɛ na ta kubɔya n sa Balaam fanɛ e ya sa Ewura Balak.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Demujipoana 3:28

ŋ kaŋɛ: “Men bɛ ma so, ŋkpal manɛ so, Enyɛnpe Ebɔrɛ na teŋ shin nɛ men pɔɔ Mowabebi nɛ b la men doŋana na so.” Nɛ Israɛlebi na bɛ Ehud so n ya kɔ n suge kakpa nɛ Mowabebi na beeŋ bɔla n dii lɔr nɛ baa tre Jɔɔdan na. Israɛlebi na daŋ maŋ shin nɛ esa koŋwule gba nya n dii lɔr na.

Demujipoana 7:13

Gidiɔn nɛ Pura ka ya fo kakpa nɛ Midianebi na wɔ na nɛ b nu Midianebi na be eko ka bee kute edare ko nɛ e ku. E yɛ: “Ŋ ku edare fanɛ ayu be nyifu be bodobodo ka gbelti m ba tɔr anyi be echenakpa nfe nseŋ ŋe wajɛbu ko nɛ kumo kikɛ buri to n tɔr.”

Demujipoana 7:15

Gidiɔn ka nu edare na nɛ kumo be kifito nɛ e bunyaŋ Ebɔrɛ nseŋ bɛta n yɔ mo braana Israɛlebi na kutɔ n ya kaŋɛ: “Men koso! Enyɛnpe Ebɔrɛ na teŋ shin nɛ an pɔɔ Midianebi na so.”

1 Samuɛl 14:12

Kumo be kaman nɛ Filistiebi ponte ŋ kaŋɛ Jonatan nɛ kabrantiɛbia na le: “Men dii a ba nfe nɛ an ŋini menyi fanɛ durnya ere wɔ anyɔ!” Nɛ Jonatan kaŋɛ kabrantiɛbia na le: “Bɛ ma so, Enyɛnpe Ebɔrɛ na beeŋ shin nɛ an kɔ m pɔɔ so.”