Demujipoana 7:13 - EBƆRƐ BE KAWƆL

¹³ Gidiɔn nɛ Pura ka ya fo kakpa nɛ Midianebi na wɔ na nɛ b nu Midianebi na be eko ka bee kute edare ko nɛ e ku. E yɛ: “Ŋ ku edare fanɛ ayu be nyifu be bodobodo ka gbelti m ba tɔr anyi be echenakpa nfe nseŋ ŋe wajɛbu ko nɛ kumo kikɛ buri to n tɔr.”

Demujipoana 7:13 ပူးပေါင်းရင်းမြစ်များ

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

Demujipoana 3:31

Ehud ka wu be kaman, kanyɛn nɛ baa tre Shamgaa nɛ e la Anaf pibinyɛn na, e sɔ mo so a juŋkpar Israɛlebi. E daŋ ta kedibi nɛ b shɛl fanɛ kekpa nna m mɔ Filisti be basa alfa ashe kachɛ koŋwule m mɔlga Israɛlebi.

Demujipoana 4:21

Ŋkpal Sisɛra ka daŋ gben ga so, k maŋ chɛr nɛ edi la mo nɛ e di. Ndoŋ nna nɛ Jaɛl ta wajɛbu na be keyir nɛ hamma nseŋ pete boeŋ boeŋ n yɔ kakpa nɛ e dese a di na n ya gbir keyir na mbe ketaya to m bɔl m mata kasawule nɛ e wu.

Demujipoana 4:9

Nɛ Dɛbora kaŋɛ mo: “To, meeŋ tu fo n yɔ, ama fo maaŋ nya kekɔmpɔɔso na be bunyaŋ. Ŋkpal manɛ so, eche nɛ Enyɛnpe Ebɔrɛ na beeŋ bɔla so m pɔɔ Sisɛra so.” Ndoŋ nna nɛ Dɛbora nɛ Barak kikɛ pɛ ekpa a yɔ Kedɛsh.

Demujipoana 6:15

Nɛ Gidiɔn kaŋɛ: “Enyɛnpe Ebɔrɛ, nuso nɛ ma alɛ le beeŋ tiŋ n yɔ n ya mɔlga Israɛl? Ma kabuna e maŋ kɔ eleŋ ashi Manase be yiri ebi kikɛ to. Ma alɛ e la kebibi ashi ma kanaŋ to.”

Demujipoana 7:12

Midianebi nɛ Amalɛkebi nɛ eyiri nɛ b shi epeŋilarkpa na kikɛ daŋ pesaŋ to nna n sɔ ketaŋɛ na to kikɛ fanɛ elotɔr ka gama abar so na. Enyɔma nɛ b daa kɔ ndoŋ na be keshi daa du fanɛ teku ase be shishɛr nna.

Demujipoana 7:14

Nɛ mo barkasa na kaŋɛ: “Fo edare ere bee laŋɛ Gidiɔn be kaplɛa so nna! K bee ŋini fanɛ Ebɔrɛ beeŋ shin nɛ mo nɛ mbe benapo e pɔɔ Midian be benapo nɛ ekama nɛ e wɔ keeyi ere to nfe so.”

Demujipoana 8:10

Le be jemanɛ ere nɛ Zeba nɛ Zalmuna nɛ bumo be benapo ŋgboŋ kuduanu wɔ kaboŋ ko nɛ baa tre ndoŋ Kakɔɔ na. Benapo nɛ b daŋ ka nna na, ŋkpal manɛ so, bekama nɛ b shi efuliana nɛ a wɔ epeŋilarkpa m ba na to be benapo ŋgboŋ kalfa nɛ adunyɔ nɛ b mɔ kena na to.