Demujipoana 7:12 - EBƆRƐ BE KAWƆL

¹² Midianebi nɛ Amalɛkebi nɛ eyiri nɛ b shi epeŋilarkpa na kikɛ daŋ pesaŋ to nna n sɔ ketaŋɛ na to kikɛ fanɛ elotɔr ka gama abar so na. Enyɔma nɛ b daa kɔ ndoŋ na be keshi daa du fanɛ teku ase be shishɛr nna.

Demujipoana 7:12 ပူးပေါင်းရင်းမြစ်များ

1 Bewura 20:27

Nɛ Israɛlebi na gba bela ase nɛ b ya tu bumo ŋ kɔ. Ndoŋ nna nɛ bumo kikɛ ya wora bumo be nyi to ŋ kilgi amo be anishito n shoŋi abar. Siriya be benapo daa shibi nna n sɔ kaplɛkama pɛlɛlɛ ama Israɛlebi be benapo na bre daa du nna fanɛ mboe be ntuŋ wurbi anyɔ ka yil m mata abar.

1 Bewura 4:30

Ewura Sɔlɔmɔn daa kɔ kanyiasheŋ a chɔ epeŋilarkpa be kaba so be benyiashempo nɛ Ijipt be efuli so be benyiashempo kikɛ.

Nshɛ 3:1

N nyɛnpe Ebɔrɛ, ŋ kɔ bedoŋ damta ga. Basa damta e naa kɔ ma.

Nshɛ 33:16

Mannɛ ewura be benapo be eleŋ so, nɛ e bee tiŋ a kɔ a pɔɔ so. Mannɛ benapo gba be eleŋ so, nɛ baa tiŋ a kɔ kena a pɔɔ so.

Jɛremaya 46:23

kupo to be ndibi a mur ndibi nɛ a mel abar so na. Bumo be benapo shi ga nɛ esa maaŋ tiŋ ŋ karga bumo; b shi ga a chɔ gba.

Joshuwa 11:4

Nɛ bumo nɛ bumo be benapo nɛ b shi fanɛ teku ase be leele na nɛ bumo be egbaŋɛ nɛ egbaŋɛturko damta ba.

Demujipoana 6:3

Jemanɛ kikɛ nɛ Israɛlebi na baŋ ya dɔ n duu bumo be adɔjibi, Midianebi nɛ Amalɛkebi nɛ basa nɛ b wɔ keshishɛrsawule be epeŋilarkpa be kaba so na, bee ba nna m ba kaa kɔ bumo.

Demujipoana 6:33

Midianebi nɛ Amalɛkebi nɛ basa nɛ b shi epeŋilarkpa be kaba so na kikɛ daŋ ba abar so nna m ba far Jɔɔdan be lɔr na n dii nseŋ ba yuu bumo be abuu ashi Jizreel be Ketaŋɛ to n chena.

Demujipoana 6:5

Bumo be asɔbɔya nɛ ewajɛbu kikɛ nɛ b kɔ a ba. Bumo be keba du fanɛ elotɔr ka kaa nna a ba. K du kpakpa nɛ esa e tiŋ ŋ karga bumo m pin kananɛ bumo nɛ bumo be enyɔma sa. Baa ba nna m ba ka jija kasawule na,

Demujipoana 7:13

Gidiɔn nɛ Pura ka ya fo kakpa nɛ Midianebi na wɔ na nɛ b nu Midianebi na be eko ka bee kute edare ko nɛ e ku. E yɛ: “Ŋ ku edare fanɛ ayu be nyifu be bodobodo ka gbelti m ba tɔr anyi be echenakpa nfe nseŋ ŋe wajɛbu ko nɛ kumo kikɛ buri to n tɔr.”

Demujipoana 8:10

Le be jemanɛ ere nɛ Zeba nɛ Zalmuna nɛ bumo be benapo ŋgboŋ kuduanu wɔ kaboŋ ko nɛ baa tre ndoŋ Kakɔɔ na. Benapo nɛ b daŋ ka nna na, ŋkpal manɛ so, bekama nɛ b shi efuliana nɛ a wɔ epeŋilarkpa m ba na to be benapo ŋgboŋ kalfa nɛ adunyɔ nɛ b mɔ kena na to.

1 Samuɛl 13:5

Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.

1 Samuɛl 30:17

Kumo be ŋklade kachipurdidi nɛ Deevid nɛ mbe basa ya kɔ bumo kena hale n ya fo kaaseso. Ama Amalɛk be mbrantiɛfɔlbi alfa ana nawule e daŋ nya manaŋ n dii bumo be enyɔma n shile; nɛ b mɔ bumo nɛ b ka na kikɛ.