Demujipoana 6:8 - EBƆRƐ BE KAWƆL

⁸ nɛ Enyɛnpe Ebɔrɛ na shuŋi mbe anebi ko bumo kutɔ nɛ e bar bumo kubɔya. Kusɔ nɛ Enyɛnpe, Israɛl be Ebɔrɛ na kaŋɛ nde: “Ma e daŋ lara menyi kenyaya to ashi Ijipt be efuli so.

Demujipoana 6:8 ပူးပေါင်းရင်းမြစ်များ

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

Nshɛ 106:44

Ama b ka shu n tre Enyɛnpe Ebɔrɛ kagbenejijaso, e daŋ nu bumo be kushu na nna.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Demujipoana 6:7

Ndoŋ nna nɛ Israɛlebi na shu n tre Enyɛnpe Ebɔrɛ nɛ e chɛ bumo to ŋ kɔ Midianebi,

Demujipoana 6:9

Ma e suge menyi Ijiptebi be enɔ to nseŋ kɔ m pɔɔ men doŋana so n sa menyi. Jemanɛ nɛ menyee yɔ na, ma e ju bumo kasawule na so nseŋ sɔ kumo n sa menyi.

1 Samuɛl 10:18

nɛ e kaŋɛ bumo fanɛ Enyɛnpe Israɛl be Ebɔrɛ na yɛ: “Ma e lara menyi ashi Ijipt be kasawule so nseŋ mɔlga menyi ashi Ijiptebi na be enɔ to nɛ bekama nɛ baa mɛaŋ menyi na kutɔ.