Demujipoana 6:34 - EBƆRƐ BE KAWƆL

³⁴ Ndoŋ nna nɛ Enyɛnpe Ebɔrɛ na be Kiyoyu ba Gidiɔn so nɛ e foŋ kabel n tre Abiyeza be kabuna be benyɛn kikɛ fanɛ b ba bɛ mo so,

Demujipoana 6:34 ပူးပေါင်းရင်းမြစ်များ

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

1 Kronikɛls 12:19

Manase be yiri to be benapo ko daŋ ya ti Deevid be benapo so nna saŋɛ nɛ e daŋ lar n ya tu Filistiebi na nɛ e kɔ ewura Sɔɔl kena na. E daa maŋ naŋ chɛ Filistiebi na to ŋkpal manɛ so b daa fɛ nna fanɛ e beeŋ debɔr bumo ŋ ŋini mo nyɛnpe dra Sɔɔl. Amoso b daŋ shin nna nɛ Deevid bɛta n yɔ Ziklag.

2 Kronikɛls 24:20

Ndoŋ nna nɛ Ebɔrɛ be kiyoyu ba bɔrɛmatapo Jehowada pibinyɛn Zakareya so. Nɛ e yili kakpa nɛ basa na beeŋ wu mo ŋ kaŋɛ le: “Enyɛnpe Ebɔrɛ yɛ, manɛ nna nɛ men kini kebɛ mbe mbra so nsaa kil kasogberge a sa menyi be amu loŋ! Men ka kini mo na so nɛ mo alɛ gba kini menyi na.”

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Nɔmbɛs 10:3

B baŋ foŋ mbel anyɔ na, basa na kikɛ daga fanɛ b shɛr fo anishito ashi Enyɛnpe be wajɛbu na be kabuna to nna.

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

Galeeshaebi 3:27

Ŋkpal manɛ so, b daŋ bɛr menyi kabɔrɛbɛr nna nɛ men baa wɔ Kristo Yesu to n shin nɛ naniere men ta Kristo be edasheŋ ŋ ki menyeya na.

Joshuwa 17:2

B daŋ ta Jɔɔdan be epeŋitɔrkpa be kasawule na nna n sa Manase be kanaŋ nɛ k ka na. Bumo e la Abieza nɛ Helɛk nɛ Asriɛl nɛ Shɛchem nɛ Heefa nɛ Shamida. Josɛf pibi Manase be kanaŋ to ebi.

Demujipoana 13:25

Kachako Samsɔn ka daa wɔ mboŋ nɛ baa tre Zora nɛ Ɛshtaɔl be kefɛato ashi Dan be keeyi to na nɛ Enyɛnpe Ebɔrɛ na be Kiyoyu na fara a sa mo eleŋ.

Demujipoana 14:19

Nɛ Enyɛnpe Ebɔrɛ na be Kiyoyu gbelge Samsɔn so nɛ e nya eleŋ nseŋ yɔ kadegboŋ nɛ baa tre Ashkɛlɔn na n ya mɔ benyɛn adesa nseŋ gbaŋ bumo be epiŋi nɛ asɔbuuso m ba sa basa nɛ b pin mbe keyiremu na be kusɔ nɛ k bee ŋini na. Kumo be kaman nɛ e nya agbo nseŋ bɛta n yɔ epe.

Demujipoana 15:14

B ka ta Samsɔn m ba ka fo Lehi be kade to nɛ Filistiebi na yarase a ponte to a ba mo kutɔ. Epul to nɛ Enyɛnpe Ebɔrɛ na be Kiyoyu gbelge Samsɔn so n shin nɛ e nya eleŋ nɛ efɔl nɛ b ta ŋ kre mbe enɔ nɛ aya na kikɛ tuge to n tɔr fanɛ nyaŋkpaŋfɔl wuso na.

Demujipoana 3:10

Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

Demujipoana 3:27

Ehud ka fo Siira ashi Efrayim be abeesawule so, nɛ e foŋ kabel n tre Israɛl be basa fanɛ b lar m ba kɔ kena, nseŋ juŋkpar bumo ŋ gbelge abee na so

Demujipoana 6:11

Kachako nɛ Enyɛnpe Ebɔrɛ na be malaika ba kadebi nɛ baa tre Ofra na nseŋ ba chena kedibigboŋ ko be kifito ashi kanyɛn ko nɛ baa tre Joash, nɛ e shi Abiyeza be kabuna na be kelɔnɛ so. Loŋ be saŋɛ na nɛ Joash pibinyɛn, Gidiɔn malɛ ŋana e bri ayu kegoro so, saŋɛ na so Midianebi na maaŋ wu mo.

Demujipoana 8:2

Nɛ Gidiɔn kaŋɛ bumo le: “Kusɔ nɛ ma ere wora maŋ fo kusɔ nɛ menyi ere wora so. Kusɔ nɛ menyi, Efrayimebi, wora ere bee bɔlɔ kenishi a chɔ kusɔ nɛ ma kabuna ebi kikɛ wora.

1 Samuɛl 10:6

Enyɛnpe Ebɔrɛ be kiyoyu be eleŋ beeŋ gbelge fo so epul to na to nɛ fo alɛ gba e tu bumo a wu asheŋ a kaŋɛ nsaa wora asheŋ nɛ fo daa maa wora.

1 Samuɛl 11:6

Sɔɔl ka nu loŋ, nɛ Ebɔrɛ be kiyoyu gbelge mo so eleŋso nɛ e nya agbo ga ŋkpal kusɔ nɛ Nahaash kaŋɛ na so.

1 Samuɛl 13:3

Nɛ Jonatan be benapo yɔ n ya kɔ Filistiebi be benapo ashi Gɛba, nɛ Filistiebi na kikɛ nu kumo be asheŋ. Ndoŋ nna nɛ Sɔɔl shuŋi mbɔ fanɛ b nite efuli na so kikɛ n foŋ kabel ŋ kaŋɛ basa kusɔ nɛ k wora.

1 Samuɛl 16:14

Nɛ Enyɛnpe Ebɔrɛ be kiyoyu lar Sɔɔl to, nɛ kiyoyu lubi ba luri mo to a tɔrɔ mo ga.