Demujipoana 6:30 - EBƆRƐ BE KAWƆL

³⁰ Nɛ b ya kaŋɛ Joash: “Shin nɛ fo pibinyɛn na e lar m ba. E daga luwu, ŋkpal manɛ so, mo e ya bure Baal be kegbirsure nseŋ naŋ ku Ashira be kedibi nɛ k yil m mata kumo na n lɛ na.”

Demujipoana 6:30 ပူးပေါင်းရင်းမြစ်များ

Jɛremaya 26:11

Kumo be kaman, nɛ bɔrɛmatapoana na nɛ anebiana na kaŋɛ bejuŋkparpoana na nɛ basa na kikɛ le: “Kanyɛn ere daga luwu nna ŋkpal e ka malga ŋ gbiti kadegboŋ na nseŋ kaŋɛ fanɛ k beeŋ mur so. Men gbagba nu kusɔ nɛ e kaŋɛ.”

Jɛremaya 50:38

Ewule beeŋ tɔr menyi be kasawule so, nɛ elɔr nɛ mbombiana kikɛ e wɔl to. Ade kikɛ beeŋ wora, ŋkpal manɛ so, agbirana e bɔlɔ menyi be kasawule so n shin nɛ men ki bewulpo.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Ashuŋ Shunso 26:9

Ma alɛ gba daŋ yili kumo nna fanɛ meeŋ wora kusɔ kama n tiŋ n jija Nazarɛt be Yesu be ketre na.

Filipaiebi 3:6

Keshuŋ Ebɔrɛ malɛ be asheŋ daŋ pere ma kenishi ga hale nɛ n daa wɔtɔ a tɔrɔ asɔri to ebi. Mbra na malɛ be kebɛso be kulubi kikɛ daa maŋ wɔ ma to.

Demujipoana 6:29

Ndoŋ nna nɛ b fara a bishi abar: “Wanɛ e wora le?” Nɛ b kaŋɛ bumo fanɛ Joash pibinyɛn, Gidiɔn e wora loŋ.

Demujipoana 6:31

Nɛ Joash kaŋɛ basa nɛ b diewu m ba na le: “Menyee sha kekɔ n sa Baal nna a? Menyee sha kumɔlga mo nna a? Ta a ba kachipurso, fo kama nɛ fee sha kekɔ n sa Baal beeŋ wu! Nɛ Baal la kegbir kashenteŋto nna, mo gbagba beeŋ kɔ esa kama nɛ e bure mbe kegbirsure na n sa mbe kumu.”