Demujipoana 6:3 - EBƆRƐ BE KAWƆL

³ Jemanɛ kikɛ nɛ Israɛlebi na baŋ ya dɔ n duu bumo be adɔjibi, Midianebi nɛ Amalɛkebi nɛ basa nɛ b wɔ keshishɛrsawule be epeŋilarkpa be kaba so na, bee ba nna m ba kaa kɔ bumo.

Demujipoana 6:3 ပူးပေါင်းရင်းမြစ်များ

Jɛnesis 25:6

Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

Jɛnesis 29:1

Jeekɔb ka lar Bɛtɛl nɛ e ta kumu n sɔ epeŋipetekpa be kaba so ebi be efuli so.

1 Bewura 20:27

Nɛ Israɛlebi na gba bela ase nɛ b ya tu bumo ŋ kɔ. Ndoŋ nna nɛ bumo kikɛ ya wora bumo be nyi to ŋ kilgi amo be anishito n shoŋi abar. Siriya be benapo daa shibi nna n sɔ kaplɛkama pɛlɛlɛ ama Israɛlebi be benapo na bre daa du nna fanɛ mboe be ntuŋ wurbi anyɔ ka yil m mata abar.

1 Bewura 4:30

Ewura Sɔlɔmɔn daa kɔ kanyiasheŋ a chɔ epeŋilarkpa be kaba so be benyiashempo nɛ Ijipt be efuli so be benyiashempo kikɛ.

1 Bewura 5:10

Kumo be kaman nɛ ewura Hiram sa ewura Sɔlɔmɔn sida nɛ paɛŋ be ndibi nɛ e bee sha na kikɛ,

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Job be kawɔl 31:8

kumo ere basa pɔtɛ e ji ma adɔjibi ŋko ma adɔjibi e mur kuraa.

Ɛksodɔs 17:8

Israɛlebi na ka wɔ Refidim na nɛ Amalɛkebi na ba nɛ b ba kɔ bumo kena.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Jɛremaya 49:28

Kusɔ nɛ Enyɛnpe Ebɔrɛ na kaŋɛ a laŋɛ Kɛda be yiri nɛ keshishɛrsawule so be ndekarso na be kaplɛa so nde: “Men nu nfe, Kɛda be basa nɛ eyiriana nɛ a wɔ keshishɛrsawule nɛ k wɔ a laŋɛ epeŋilarkpa be kaba so na. Ŋ kaŋɛ Babilɔn be Ewura Nebukadneeza fanɛ e ba kɔ menyi kena m mur menyi.

Ezikɛl 25:3

Kaŋɛ bumo fanɛ b kaŋ asoe n nu kusɔ nɛ ma, Enyɛnpetale Ebɔrɛ na bee kaŋɛ: E yɛ menyi be ŋgbene daŋ fuli menyi nna jemanɛ nɛ men daŋ wu ma bɔrɛlambu ka jija kuraa nɛ Israɛl be efuli mur nɛ b pɛ Juda be basa n yɔ efuli wɔfɔ so na nna.

Ezikɛl 25:4

Meeŋ shin nɛ eyiriana nɛ b wɔ keshishɛrsawule nɛ k wɔ epeŋilarkpa be kaba so na e ba kɔ m pɔɔ menyi so. Baaŋ ba yuu bumo be ewajɛbu n chena menyi be efuli so n ji kumo be asɔrso nseŋ nuu kumo be kenyipo nɛ a daga menyi na.

Levitikɔs 26:16

meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.

Maika 6:15

Menyi beeŋ dɔ n duu, ama menyi maaŋ nya shɛŋ n teŋi. Menyeeŋ ta ɔlif be bibi n wora ŋku, ama menyi alɛ maaŋ nya ŋku na n wora shɛŋ. Menyeeŋ ku eyabra ŋko n daŋɛ nsa, ama menyi maaŋ nya yabra ŋko nsa n nuu.

Ditɛronɔmi 28:51

Baaŋ suge menyi be asɔbɔya nɛ adɔjibi kikɛ nɛ akoŋ a mɔ menyi. B maaŋ yige ayu ŋko yabra belbelso ŋko ɔlifs be ŋku ŋko ana ŋko mbolpɔ kama n sa menyi.

Demujipoana 10:12

Sidɔnebi nɛ Amalɛkebi nɛ Maonebi na kikɛ daa kɔrfɛ menyi nɛ men shu n tre ma fanɛ n chɛ menyi to na, m maŋ mɔlga menyi ashi bumo be enɔana to nna a?

Demujipoana 3:13

Ammɔnebi nɛ Amalɛkebi nɛ ewura Ɛglɔn daŋ shin nɛ b ba chɛ mo to ŋ kɔ Israɛlebi na kena n suge kadegboŋ nɛ baa tre Jɛriko na. Jɛriko malɛ nɛ b daa tre abiidibi be kadegboŋ na.

Demujipoana 6:2

Ŋkpal Midianebi na ka daa chɔ Israɛlebi na eleŋ ga so, Israɛlebi na daŋ fin mboŋ nna ŋ ŋana ashi abeelaŋ to nɛ abeeana so nɛ mboŋ nɛ basa maaŋ wu bumo.

Demujipoana 6:33

Midianebi nɛ Amalɛkebi nɛ basa nɛ b shi epeŋilarkpa be kaba so na kikɛ daŋ ba abar so nna m ba far Jɔɔdan be lɔr na n dii nseŋ ba yuu bumo be abuu ashi Jizreel be Ketaŋɛ to n chena.

Demujipoana 6:4

Baa ba nna m ba yuu bumo be ebuana n chena efuli na so nseŋ jija Israɛlebi na be adɔjibi kikɛ hale n ya fo Gaaza be kasawule so ashi kelargato be kaseto ndoŋ. Bumo alɛ maa yige kusɔ keniso kikɛ kasawule na so. Mbolpɔ nɛ ana nɛ ekurma kikɛ baa suge nna.

Demujipoana 7:12

Midianebi nɛ Amalɛkebi nɛ eyiri nɛ b shi epeŋilarkpa na kikɛ daŋ pesaŋ to nna n sɔ ketaŋɛ na to kikɛ fanɛ elotɔr ka gama abar so na. Enyɔma nɛ b daa kɔ ndoŋ na be keshi daa du fanɛ teku ase be shishɛr nna.

Demujipoana 8:10

Le be jemanɛ ere nɛ Zeba nɛ Zalmuna nɛ bumo be benapo ŋgboŋ kuduanu wɔ kaboŋ ko nɛ baa tre ndoŋ Kakɔɔ na. Benapo nɛ b daŋ ka nna na, ŋkpal manɛ so, bekama nɛ b shi efuliana nɛ a wɔ epeŋilarkpa m ba na to be benapo ŋgboŋ kalfa nɛ adunyɔ nɛ b mɔ kena na to.