Demujipoana 6:24 - EBƆRƐ BE KAWƆL

²⁴ Kumo be kaman nɛ Gidiɔn pɔr bɔrɛsure n yili nseŋ nase ndoŋ ketre fanɛ: “Enyɛnpe Ebɔrɛ na la kayurwushiwura nna.” Hale nɛ mbre, bɔrɛsure na kraa yil Ofra nɛ k wɔ Abiyeza be kabuna ebi be kasawule so na.

Demujipoana 6:24 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

2 Samuɛl 24:25

nseŋ pɔr bɔrɛsure ndoŋ n sa Enyɛnpe Ebɔrɛ. Kumo be kaman nɛ e lara esarga chɔɔso nɛ kɔnɔkoŋwuleso be esarga. Ndoŋ nna nɛ Enyɛnpe Ebɔrɛ na nu mbe kabɔrɛkule nɛ aleblawu nɛ k wɔ Israɛl na kikɛ ku.

1 Bewura 18:32

Loŋ be ajembu na nɛ e ta n lɔŋɛ m pɔr Enyɛnpe Ebɔrɛ be bɔrɛsure nɛ baaŋ ba lara sarga kumo so a bunyaŋ mo na. E daŋ kur kaman nɛ k beeŋ tiŋ n sɔ nchu egalɔn asa nna ŋ kulti bɔrɛsure na.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛksodɔs 17:15

Ade kikɛ be kaman nɛ Mosis pɔr bɔrɛsure nseŋ nase kumo: ‘Enyɛnpe Ebɔrɛ na e la ma Kekɔmpɔɔso be tuuta.’

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Jɛremaya 33:16

Juda nɛ Jerusalɛm be basa beeŋ nya kumɔlga nsaa wɔ kayurwushi be kebaawɔtɔ to. Saŋɛ na so nɛ b baa tre Jerusalɛm le: ‘Enyɛnpe Ebɔrɛ na e la anyi be Kumɔlga.’

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Nɔmbɛs 26:30

Giliad be kanaŋ to be mbuna e daa la Ieza nɛ Helɛk

Joshuwa 22:10

Ruben nɛ Gad be eyiri nɛ Manase be epeŋilarkpa be kaba so be yiri na ka ba Gelilɔf ashi Jɔɔdan be lɔr na be epeŋitɔrkpa be kaba so na nɛ b pɔr bɔrɛsure gboŋgboŋi ko Jɔɔdan be lɔr na ase.

Demujipoana 21:4

Kare ka chɛ kachipurdidi nɛ basa na pɔr bɔrɛsure nseŋ lara esarga nɛ a bee par Ebɔrɛ nsaa bar bumo alɛ nɛfa.

Demujipoana 6:23

Ama le nɛ Enyɛnpe Ebɔrɛ na kaŋɛ mo: “Shin nɛ fo kagbene e dese fo! Sa maa lɔ kufu. Fo maaŋ wu.”

Demujipoana 8:27

Ndoŋ nna nɛ Gidiɔn ta shuwa na n lɔŋɛ kegbir n yɔ Ofra, nɛ k la mbe kade to na. Nɛ Israɛlebi na kikɛ pal kaman n sa Ebɔrɛ nseŋ yɔ ndoŋ n ya kaa shuŋ kegbir na. Nɛ k ba ki kejigbelɛ n sa Gidiɔn nɛ mbe kanaŋ.

Demujipoana 8:32

Gidiɔn daŋ bel nɛnɛ nna pɔɛŋ nseŋ wu nɛ b puli mo mbe kanaŋ be epulikpa ashi Ofra nɛ k la mbe kade to nsaa la Abiyeza be kabuna be kasawule na.

1 Samuɛl 14:35

Nɛ Sɔɔl pɔr bɔrɛsure n sa Enyɛnpe Ebɔrɛ ndoŋ. Kumo e daa la bɔrɛsure sososo mo nɛ e pɔr.

1 Samuɛl 7:17

Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.