Demujipoana 6:21 - EBƆRƐ BE KAWƆL

²¹ Ndoŋ nna nɛ Enyɛnpe Ebɔrɛ na be malaika na teŋi mbe kekpabi nɛ k bɔɔ mo enɔ na m beta eblaŋ na nɛ bodobodo na nɛ edɛ shi kefalta na to n suse m pɛ amo nɛ a chɔɔ m mur. Epul na to, Gidiɔn maŋ naŋ wu malaika na.

Demujipoana 6:21 ပူးပေါင်းရင်းမြစ်များ

1 Bewura 18:38

Epul na to nɛ Enyɛnpe Ebɔrɛ shin nɛ edɛ ba chɔ sarga na nɛ ndibi na nɛ ajembu na nɛ shishɛr na, nɛ nchu nɛ a wɔ kemaŋ nɛ b kur ŋ kulti sarga na kikɛ feeto kuraa.

1 Kronikɛls 21:26

E daŋ pɔr bɔrɛsure ndoŋ nna n sa Enyɛnpe Ebɔrɛ nseŋ lara esarga chɔɔso nɛ kɔnɔkoŋwuleso be esarga, nɛ Enyɛnpe Ebɔrɛ shin nɛ edɛ shi esoso m ba chɔɔ sarga na ashi bɔrɛsure na so.

2 Kronikɛls 7:1

Ewura Sɔlɔmɔn ka kule Ebɔrɛ n loge, nɛ edɛ shi esoso m ba chɔɔ sarga nɛ b lara na. Ndoŋ nna nɛ Enyɛnpe Ebɔrɛ be kefulto nyaŋɛ n fulto bɔrɛlambu na kikɛ to.

Aizaaya 38:7

Nɛ anebi Aizaaya kaŋɛ Ewura Hɛzekaya: “Enyɛnpe Ebɔrɛ na beeŋ sa fo tɔɔnɛ ko a ŋini fanɛ e beeŋ wora m bɔlɔ mbe kɔnɔ naseso so.

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Demujipoana 13:19

Ndoŋ nna nɛ Manoa ta kaboe fɔlbi nɛ ayu n ya lara sarga kefalta be bɔrɛsure so n sa Enyɛnpe Ebɔrɛ na. Nɛ Enyɛnpe Ebɔrɛ na wora mamachi be kesheŋ ko Manoa nɛ mbe eche be anishito ndoŋ.

Demujipoana 13:20

Jemanɛ nɛ edɛ na bee suse na, nɛ Enyɛnpe Ebɔrɛ be malaika na bɛ edɛ na be adondulombi na so n yɔ ebɔrɛso. Manoa nɛ mbe eche ka wu kusɔ nɛ k wora na, nɛ b nyaŋ anishi m buu so nseŋ kurgi amu n yuu to.

Demujipoana 6:20

Nɛ Enyɛnpe Ebɔrɛ be malaika na kaŋɛ mo: “Ta eblaŋ na nɛ bodobodo na n deŋi kefalta ere so nseŋ chulgi epuchu na ŋ wurge amo so.” Nɛ Gidiɔn wora loŋ.