Demujipoana 6:13 - EBƆRƐ BE KAWƆL

¹³ Nɛ Gidiɔn malɛ yɛ: “Gafra, shin nɛ ŋ kule m bishi, nɛ fanɛ Enyɛnpe Ebɔrɛ na wɔ anyi kutɔ, manɛ nna nɛ le be asheŋ ere kikɛ bee tu anyi? Nnɛ nɛ mbe emamachisheŋ nɛ an tutoana bee ji amo be asheŋ na yɔ? B yɛ, Enyɛnpe Ebɔrɛ na e lara anyi ashi Ijipt be efuli so m ba nfe. Ama naniere Enyɛnpe Ebɔrɛ na kplaŋ anyi so nna n sa Midianebi na.”

Demujipoana 6:13 ပူးပေါင်းရင်းမြစ်များ

Jɛnesis 25:22

Mborobi be kedampo nɛ Rebɛka daŋ di nɛ mbia na fara a ŋin a ŋin abar bumo nio be epun to. Nɛ Rebɛka fɛ mbe kumu to le: “Manɛ e ba nɛ le be kesheŋ ere bee wora ma ere?” Kumo be kaman nɛ e ya bishi Enyɛnpe Ebɔrɛ kusɔ nɛ k ba nɛ loŋ be kesheŋ na bee wora mo na.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

Nshɛ 27:9

Jande sa maŋ pal kaman n sa ma, sa maŋ nya agbo n ju fo kenya n lɛ. Fo e la ma echɛtopo, amoso, ma Ebɔrɛ nɛ ma emɔlgapo; sa maŋ kplaŋ ma so ŋko n yige ma.

Nshɛ 44:1

Enyɛnpe anyi be Ebɔrɛ, an nananyɛnana kaŋɛ anyi kusɔ nɛ fo wora dra dra na. Nɛ anyi alɛ kaŋ asoe n nu,

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 44:9

Ama naniere, fo pal kaman n sa anyi n shin nɛ an ki bebɔlpo. Fo maŋ naa tu anyi be benapo a yɔ kena to.

Nshɛ 89:49

O Enyɛnpe Ebɔrɛ, nnɛ nɛ kashagboŋ nɛ fo daa kɔ na wɔ? Nnɔ nɛ fo nase kashenteŋ be ekpa so n sa Deevid na wɔ nnɛ?

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Jɛremaya 23:33

Ade be kaman nɛ Enyɛnpe Ebɔrɛ na kaŋɛ ma le: “Jɛremaya, nɛ ma basa to be eko ŋko anebi ko ŋko bɔrɛmatapo ko kaŋ bishi fo fanɛ nuso be kubɔya nɛ Enyɛnpe Ebɔrɛ na kɔ a sa anyi, fo kaŋɛ amodoŋwura le: ‘Menyi be asheŋ bee nu agbo nseŋ lar Enyɛnpe Ebɔrɛ na ebɔl nɛ e bee shin nɛ e kini menyi n lɛ nna.’

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 29:24

Efuli pɔtɛana so be basa kikɛ beeŋ bishi le: “Manɛ nna nɛ Enyɛnpe Ebɔrɛ na wora bumo be kasawule loŋ? Manɛ e bar mbe kanya agbo?”

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Demujipoana 6:1

Nɛ Israɛlebi na naŋ wora alubi n da Enyɛnpe Ebɔrɛ na so nɛ e shin nɛ Midianebi pɔɔ bumo so. Nfɛ ashunu nɛ Israɛlebi na bee shuŋ bumo.

Demujipoana 6:12

Ndoŋ nna nɛ malaika na lar Gidiɔn so nseŋ kaŋɛ mo: “Enapo lempo, Enyɛnpe Ebɔrɛ na wɔ fo kutɔ!”