Demujipoana 6:10 - EBƆRƐ BE KAWƆL

¹⁰ Ma alɛ e kaŋɛ menyi na fanɛ ma e la Enyɛnpe, menyi be Ebɔrɛ na, men sa maŋ kaŋ shuŋ Amɔriebi nɛ men tase bumo be kasawule so ere be agbirana. Ama menyi maŋ nu n sa ma.”

Demujipoana 6:10 ပူးပေါင်းရင်းမြစ်များ

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

2 Bewura 17:33

B daa shuŋ Enyɛnpe Ebɔrɛ nna nseŋ naa shuŋ bumo be efuliana so be agbirana n ti so.

2 Bewura 17:7

B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ nɛ e mɔlga bumo ashi Ijiptebi be enɔ to nseŋ lara bumo Ijipt be kasawule so dra dra na nna. B daa shuŋ agbirana nna,

Nehemaya 9:29

Fo kpele bumo kusoe fanɛ b bɛ fo keŋini so ama ŋkpal bumo be kamoowuso, b kini kebɛ fo mbra na so amo nɛ esa beeŋ bɛ so nseŋ nya kebaawɔtɔ lela, ama ŋkpal bumo be ŋgbene kpakpaso so b kini kewora fo kasonu.

Ɛksodɔs 34:12

Ama men baa da so nɛ menyi nɛ kasawule na so be basa e sa maŋ kaŋ wora kɔnɔkoŋwule be ŋkre kikɛ. Ŋkpal manɛ so, nɛ men wora loŋ, k beeŋ ki katiyɛ lubi m pɛ menyi.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Aŋasa 5:13

N daa maŋ nu n sa ma beŋinipoana; n daŋ kplaŋ bumo so nna.

Jɛremaya 10:2

E yɛ: “Men sa maa kute efuli pɔtɛana na be basa to a wora asheŋ. Menyi alɛ e sa maŋ shin nɛ asheŋ nɛ e bee wora awɔlpa so a ta kufu a da efuli pɔtɛana na be basa na, e baa ta kufu a da menyi alɛ gba.

Jɛremaya 17:23

Bumo nananyɛnana bre daŋ maŋ nu m bɛ kusɔ nɛ ŋ kaŋɛ na so. Ama b daŋ wora bumo be ŋgbene kpakpa nseŋ kini kewora ma kasonu ŋko kekoya asheŋ ashi ŋ kutɔ nna.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 3:25

Amoso men shin nɛ an ta anishinyɔr n dese nɛ anyi be ŋaba e baa buu anyi so. Anyi nɛ an nananyɛnana kikɛ wora alubi ŋ gbiti Enyɛnpe anyi be Ebɔrɛ na. Anyi alɛ maŋ bɛ mbe mmalga naseso so.”

Jɛremaya 42:21

Naniere ŋ kaŋɛ menyi kusɔ nɛ e kaŋɛ, ama menyi alɛ kini kewora kusɔ nɛ Enyɛnpe, menyi be Ebɔrɛ na shuŋi ma fanɛ m ba kaŋɛ menyi na kasonu.

Jɛremaya 43:4

Amoso Johanan nɛ benapo be benimuana na nɛ basa pɔtɛana na be ekama daa maŋ wora kusɔ nɛ Enyɛnpe Ebɔrɛ kaŋɛ na kasonu n chena Juda be kasawule so.

Jɛremaya 43:7

B daa maŋ wora Enyɛnpe Ebɔrɛ na kasonu nseŋ daŋ yɔ Ijipt n ya chena kadegboŋ nɛ baa tre Taapanes na.

Jɛremaya 9:13

Nɛ Enyɛnpe Ebɔrɛ na kaŋɛ le: “N daŋ mur kasawule na nna ŋkpal ma basa ka kini ma keŋini nɛ n ta n sa bumo na so nna. B daŋ maŋ wora ma kasonu ŋko n wora kusɔ nɛ kaŋɛ ŋ bumo fanɛ b wora na.

Zefanaiya 3:2

Jerusalɛmebi maa nu a sa Enyɛnpe Ebɔrɛ ŋko a sɔ mbe keŋini. Bumo alɛ maa ta bumo be yirda a deŋi Enyɛnpe Ebɔrɛ so ŋko a fin kechɛto mo kutɔ.

Romebi 10:16

Ama mannɛ Israɛlebi kikɛ e sɔ baru lela na, ŋkpal manɛ so, le nɛ anebi Aizaaya daŋ bishi Enyɛnpe na: “Enyɛnpe, wanɛ e yirda anyi be kubɔya na?”

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Demujipoana 2:2

Amoso menyi nɛ basa nɛ b tase efuli na so na e sa maŋ kaŋ luri kɔnɔkoŋwule be ŋkre kikɛ to. A daŋ daga fanɛ men bure bumo be agbirshuŋkpaana kikɛ, ama menyi maŋ nu n sa kusɔ nɛ ŋ kaŋɛ na.

Demujipoana 6:9

Ma e suge menyi Ijiptebi be enɔ to nseŋ kɔ m pɔɔ men doŋana so n sa menyi. Jemanɛ nɛ menyee yɔ na, ma e ju bumo kasawule na so nseŋ sɔ kumo n sa menyi.