Demujipoana 5:9 - EBƆRƐ BE KAWƆL

⁹ Mee maŋkura fo nna, Enyɛnpe Ebɔrɛ; ma alɛ bee di epaŋ nna ŋkpal bejuŋkparpo nɛ benapo nɛ b fuli kagbene n lar m ba kɔ na so.

Demujipoana 5:9 ပူးပေါင်းရင်းမြစ်များ

1 Kronikɛls 29:9

Ewura Deevid nɛ basa na kikɛ be ŋgbene daŋ fuli bumo ga nna nɛ b ji eyur ŋkpal ŋkɛ nɛ b daŋ bugi ŋgbene n sa Enyɛnpe Ebɔrɛ na so.

2 Kronikɛls 17:16

Enimu sasopo e daa la Zikri pibinyɛn Amaziya nɛ mo alɛ daa keni benapo ŋgboŋ alfa anyɔ so. Amaziya daŋ lara mbe kumu nna n yili fanɛ e beeŋ shuŋ Enyɛnpe Ebɔrɛ.

2 Kronikɛls 31:8

Ewura Hɛzekaya nɛ mbe benimuana ka wu kananɛ basa na sa na, nɛ b di Enyɛnpe Ebɔrɛ epaŋ nseŋ chɔrɔ Israɛlebi gba.

Nehemaya 11:2

Ndoŋ nna nɛ basa na nɛfa bekama nɛ b shuli fanɛ bumo ere beeŋ yɔ Jerusalɛm n ya chena na.

Nshɛ 103:2

Meeŋ ta ma kagbene kikɛ ŋ kpaŋ Enyɛnpe Ebɔrɛ na! Ma alɛ maaŋ teŋ asheŋ lela nɛ e wora ma na kikɛ so.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 8:17

Ŋkpal manɛ so, mannɛ fanɛ e baŋ sɔ kusɔ nɛ an kaŋɛ na nawule nna, ama mo gbagba be keparso nɛ e yili kumo kagbene koŋwuleso fanɛ e beeŋ yɔ menyi kutɔ.

2 Kɔrintebi 9:5

Amoso nɛ n wu fanɛ a daga fanɛ n shin nɛ bekurgepoana ere e juŋkpar ma n yɔ men kutɔ n ya shin nɛ men bela men be kakɛ gboŋgboŋi nɛ men nase kɔnɔ fanɛ menyeeŋ sa na n yili. Saŋɛ na so, kakɛ na beeŋ baa yil fanɛ kashaso be kakɛ, mannɛ fanɛ kanyaŋso be kakɛ.

Demujipoana 5:2

Anyeeŋ kpaŋ fo, Enyɛnpe Ebɔrɛ na! Ŋkpal manɛ so, Israɛlebi na kikɛ e yili kumo fanɛ baaŋ kɔ; basa na kikɛ malɛ e shuli so loŋ kagbenefuliso