Demujipoana 5:31 - EBƆRƐ BE KAWƆL

³¹ Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.

Demujipoana 5:31 ပူးပေါင်းရင်းမြစ်များ

2 Samuɛl 18:31

Ndoŋ nna nɛ Itiopia be kenya na malɛ ba ewura na kutɔ m ba kaŋɛ mo le: “Yiramu! Baru lela nɛ m bar nɛ m ba sa fo, Enyɛnpe Ebɔrɛ na shin nɛ fo kɔ m pɔɔ basa nɛ b nyaŋɛto a kɔ fo na so kabre!”

2 Samuɛl 18:32

Nɛ ewura na bishi le: “Absalɔm lar a? E beeŋ pete a?” Nɛ kenya na yɛ: “Kusɔ nɛ k nya mo ere daŋ nya fo doŋana nɛ bekama nɛ b nyaŋɛto a kɔ fo na nna, n dafanɛ k daa beeŋ par ma ga.”

2 Samuɛl 23:4

du nna fanɛ bɔrɛ ka maŋ mɔl nɛ epeŋi nyaŋɛ chipurso nɛ kakpa kikɛ wora parr nna. Loŋ be epeŋi e naa nyaŋɛ a shin nɛ afitiri bee nyɛkpɛso chipurso na.”

Nshɛ 19:6

K bee fara awɔlpa to be kaba ko so nna; n ta loŋ n ya fo kaba ko. Shɛŋ malɛ maaŋ tiŋ ŋ ŋana kumo be loŋ so.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 37:6

Shin nɛ fo asheŋ woraso niŋiso e baa kpa edɛ fanɛ karechɛ, nɛ kananɛ fee ji asheŋ nɛ amo be ekpa so, e baa di efuli fanɛ kapiidi be epeŋi.

Nshɛ 89:36

Mbe kanaŋ to ebi e naaŋ baa ji kuwura jemanɛ kikɛ. Kananɛ epeŋi nɛ kufɔl baa lar awɔlpa so ere, aloŋ nɛ mbe kuwurji gba beeŋ baa wɔtɔ mbaanaayɔ.

Nshɛ 89:37

Mbe kuwurji na beeŋ baa wɔtɔ mbaanaayɔ nna fanɛ kananɛ kufɔl baa wɔ esoso mbaanaayɔ na.”

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Nshɛ 92:9

An nyi fanɛ fo doŋana beeŋ mur kashenteŋto, nɛ alubiworapoana kikɛ e pesaŋ to.

Nshɛ 97:10

Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Nshɛ 97:8

O Enyɛnpe Ebɔrɛ, Jerusalɛm to nɛ Juda be efuli so be ndeana to be basa be ŋgbene fuli nna, nɛ baa ji eyur ŋkpal fo demuji so.

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 13:43

Saŋɛ na so nɛ Ebɔrɛ malɛ be basa wɔ bumo Tuto be kuwura to a nyɛkpɛ so fanɛ epeŋi na. To, fo nɛ fo kɔ asoe, fo nu.”

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

Ɛfesesebi 6:24

Ebɔrɛ be kuwɔr be kakɛ e baa wɔ bekama nyam nɛ b kɔ kasha nɛ k maa loge a sha an Nyɛnpe Yesu Kristo na so.

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.

Ditɛronɔmi 7:9

Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

Kelaraŋŋini 1:16

E daa kɔ achɛkpabi ashunu nna mbe enɔjiso to nɛ tokobi jinnɔnyɔ jiso ko shi mbe kɔnɔ to n lar. Mbe anishiakpa malɛ daa kpa edɛ nna fanɛ epeŋi ka bee nyaŋɛ ga na.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Demujipoana 3:11

Nfɛ adena nɛ Israɛl be efuli na wɔ kayurwushi to hale n ya fo fanɛ Ofniɛl ka wu.

Demujipoana 3:30

Loŋ be kachɛ na nɛ Israɛlebi na pɔɔ Mowabebi na so nɛ Israɛl be efuli so naŋ nya kayurwushi nfɛ aduburwa.